Health
તમે પણ જરૂરત કરતા વધુ લીંબુ પાણીનું સેવન તો નથી કરી રહ્યા ને, તો જાણી લો તેનાથી થતા નુકશાન
ઉનાળાની ઋતુમાં લીંબુ પાણીનું સેવન સ્વાસ્થ્ય માટે ખૂબ જ ફાયદાકારક માનવામાં આવે છે. શરીરને હાઇડ્રેટ રાખવાની સાથે સાથે તે તમને તાજગીસભર રાખવામાં પણ મદદરૂપ છે. લીંબુમાં વિટામિન-સી, વિટામિન-ઇ, વિટામિન-બી-6, ફોલેટ, થિયામીન જેવા પોષક તત્વો મળી આવે છે, પરંતુ આટલા બધા ગુણો હોવા છતાં જો તમે લીંબુ પાણીનું વધુ પડતું સેવન કરો છો તો તે તમારા સ્વાસ્થ્યને નુકસાન પહોંચાડી શકે છે.
પાચન સમસ્યાઓ
તમે ઘણીવાર સાંભળ્યું હશે કે ખાલી પેટે મધ સાથે લીંબુ પાણી પીવાથી પાચન પ્રક્રિયામાં મદદ મળે છે. જો કે આ ડ્રિંકના વધુ પડતા સેવનથી પેટની સમસ્યા થઈ શકે છે. આવી સ્થિતિમાં, તમે પેટના દુખાવાની સમસ્યાથી પરેશાન થઈ શકો છો.
દાંતની સમસ્યાઓ
લીંબુ પાણીનું વધુ પડતું સેવન કરવાથી દાંતમાં કળતર થઈ શકે છે. જેના કારણે દાંતમાં સડો થવાની સમસ્યા પણ થઈ શકે છે. એટલા માટે જો તમે દાંતની સમસ્યાથી પરેશાન છો, તો આ સ્થિતિમાં, ઓછી માત્રામાં જ સાઇટ્રિક ખોરાકનું સેવન કરો.
વાળ માટે હાનિકારક
શું તમે જાણો છો કે લીંબુનો રસ સીધો વાળમાં લગાવવાથી તમારા વાળ ડ્રાય અને ગ્રે થઈ શકે છે. તેમાં રહેલા એસિડિક ગુણ વાળ પર અસર કરે છે. ઘણીવાર લોકો ડેન્ડ્રફથી છુટકારો મેળવવા માટે વાળમાં લીંબુનો રસ લગાવે છે.
ત્વચા શુષ્ક હોઈ શકે છે
જો તમે નિયમિતપણે લીંબુ પાણીનું વધુ પ્રમાણમાં સેવન કરો છો, તો તે તમારી ત્વચાને શુષ્ક બનાવી શકે છે.
ડિહાઇડ્રેશનની સમસ્યા
લીંબુ પાણીના વધુ પડતા સેવનથી તમારા શરીરમાં ડીહાઈડ્રેશન થઈ શકે છે. તેને વધુ પ્રમાણમાં પીવાથી વારંવાર પેશાબ આવવાની સમસ્યા થઈ શકે છે. આવી સ્થિતિમાં તમે ડિહાઈડ્રેશનની સમસ્યાથી પરેશાન થઈ શકો છો.
