WhatsAppનું રિએક્શન નોટિફિકેશન નથી પસંદ ? જાણો તેને બંધ કરવાની પ્રોસેસ

જો તમે વોટ્સએપમાં મેસેજ પર રિએક્શનની સૂચનાથી પરેશાન છો, તો આ સમાચારમાં અમે તમને તેને કેવી રીતે બંધ કરવું તે જણાવવા જઈ રહ્યા છીએ.

ઇન્સ્ટન્ટ મેસેજિંગ એપ Whatsapp આપણા જીવનનો મહત્વનો ભાગ બની ગયો છે. કૌટુંબિક હોય કે ઓફિસનું કામ હોય, તે દરેક જગ્યાએ વાતચીતનું સરળ માધ્યમ બની ગયું છે. તેની મદદથી કોઈને મેસેજ, કોલ અને વીડિયો કોલ કરવાનું સરળ બની ગયું છે.

આ વર્ષની શરૂઆતમાં WhatsApp એપમાં એક નવું મેસેજ રિએક્શન ફીચર ઉમેરવામાં આવ્યું હતું. આના દ્વારા યુઝર્સ ઈમોજી વડે મેસેજ પર રિએક્ટ કરી શકે છે. તમે WhatsAppના સેટિંગમાં જઈને મેસેજ રિએક્શન નોટિફિકેશનને બંધ કરી શકો છો. આ માટે, નીચે દર્શાવેલ પદ્ધતિનો ઉપયોગ કરો.

સૌથી પહેલા વોટ્સએપ ઓપન કરો. તે પછી હોમ પેજ પર જમણી બાજુએ આવતા ત્રણ ડોટ પર ક્લિક કરો. હવે સેટિંગ્સ પર ક્લિક કરો. આ પછી, નોટિફિકેશનનો વિકલ્પ પસંદ કરો. હવે તમારે સ્ક્રોલ કરીને નીચે આવવું પડશે. જો તમે સિંગલ ચેટ માટે નોટિફિકેશન બંધ કરવા માંગો છો, તો મેસેજ સેક્શનમાં આવતા રિએક્શન નોટિફિકેશન ટૉગલને બંધ કરવું પડશે. જો તમે ગ્રૂપ ચેટ માટે નોટિફિકેશનને બંધ કરવા માંગો છો, તો પછી ગ્રુપ ચેટ વિભાગમાં તેનું ટોગલ બંધ કરો.