Reliance AGM 2023: મુકેશ અંબાણીએ Jio AirFiberની જાહેરાત કરી, 19 સપ્ટેમ્બરે લોન્ચ થશે

રિલાયન્સ ઇન્ડસ્ટ્રીઝ લિમિટેડ (RIL) એ તેની 46મી વાર્ષિક સામાન્ય સભા 2023 સોમવાર એટલે કે 28 ઓગસ્ટ 2023 ના રોજ શરૂ કરી છે. એજીએમ વીડિયો કોન્ફરન્સિંગ દ્વારા હાથ ધરવામાં આવી રહી છે.

Jio વપરાશકર્તાઓ ઘણા મહિનાઓથી Jio AirFiberની રાહ જોઈ રહ્યા હતા. હવે તેની લોન્ચિંગ ડેટ સામે આવી છે.

રિલાયન્સ ઇન્ડસ્ટ્રીઝ લિમિટેડ (RIL)ની મીટિંગમાં મુકેશ અંબાણીએ કહ્યું કે જિયો એર ફાઇબર ગણેશ ચતુર્થીના દિવસે એટલે કે 19 સપ્ટેમ્બરે લોન્ચ કરવામાં આવશે. તેમણે કહ્યું કે Jio એર ફાઈબર, 5G નેટવર્ક અને શ્રેષ્ઠ વાયરલેસ ટેકનોલોજીનો ઉપયોગ કરીને ઘરો અને ઓફિસોમાં વાયરલેસ બ્રોડબેન્ડ સેવા પ્રદાન કરશે.

મુકેશ અંબાણીએ એક મોટી વાત કહી

રિલાયન્સના ચેરમેન મુકેશ અંબાણીએ કહ્યું કે JioAirFiber સાથે, અમે દરરોજ 1.5 લાખ કનેક્શન સાથે આ વિસ્તરણને સુપરચાર્જ કરી શકીએ છીએ. તમને જણાવી દઈએ કે, Jioનું ઓપ્ટિકલ ફાઈબર ઈન્ફ્રાસ્ટ્રક્ચર સમગ્ર ભારતમાં 15 લાખ કિલોમીટરમાં ફેલાયેલું છે. સરેરાશ, વપરાશકર્તાઓ ઓપ્ટિકલ ફાઈબરનો ઉપયોગ કરીને દર મહિને 280 GB કરતાં વધુ ડેટાનો ઉપયોગ કરે છે. આ માથાદીઠ મોબાઈલ ડેટા વપરાશ કરતાં 10 ગણો વધુ છે.

Jio સ્માર્ટ હોમ સર્વિસે પણ જાહેરાત કરી

Jioના ચેરમેન આકાશ અંબાણીએ Jio સ્માર્ટ હોમ સર્વિસ શરૂ કરવાની જાહેરાત કરી હતી. આકાશ અંબાણીએ કહ્યું કે Jio સ્માર્ટ હોમ સર્વિસ અમારા ઘરોના અનુભવ અને સંચાલનને ફરીથી વ્યાખ્યાયિત કરવા માટે તૈયાર છે. તેમણે કહ્યું કે અમે Jio True 5G ડેવલપર પ્લેટફોર્મની જાહેરાત કરી રહ્યા છીએ.

Jioના ચેરમેન આકાશ અંબાણીએ કહ્યું કે Jio True5G લેબ સુવિધા ઉદ્યોગના પરિવર્તનને વેગ આપશે. રિલાયન્સ જિયોના ચેરમેન આકાશ અંબાણીનું કહેવું છે કે Jio AirFiber સાથે અમે અમારા એડ્રેસેબલ માર્કેટને 200 મિલિયન ઘરો અને અન્ય જગ્યાઓ સુધી વિસ્તારી રહ્યા છીએ.