વિમેન્સ પ્રીમિયર લીગની ઓપનિંગ મેચના શેડ્યૂલમાં ફેરફાર, હવે આ સમએ રમાશે MI vs GGનો મેચ

મહિલા પ્રીમિયર લીગ (WPL) આજથી શરૂ થવા જઈ રહી છે. શનિવારે પ્રથમ મેચ મુંબઈ ઈન્ડિયન્સ અને ગુજરાત જાયન્ટ્સ વચ્ચે રમાશે. આ મેચ નવી મુંબઈના ડીવાય પાટિલ સ્ટેડિયમમાં રમાશે. BCCIએ આ મેચના સમયને લઈને એક નવું અપડેટ આપ્યું છે. ઓપનિંગ સેરેમનીના કારણે આ મેચ ફરીથી શેડ્યૂલ કરવામાં આવી છે. હવે મેચ 7:30 વાગ્યે શરૂ થવાને બદલે રાત્રે આઠ વાગ્યે શરૂ થશે. ટોસ સાંજે 7.30 કલાકે થશે.

બીસીસીઆઈએ એક રીલીઝમાં જણાવ્યું – ઉદ્ઘાટન મેચ શનિવારે રાત્રે 08.00 વાગ્યે શરૂ થશે. ટોસ સાંજે 07.30 કલાકે થશે. દરવાજો સાંજે 4.00 વાગ્યે ચાહકો માટે ખુલશે અને તેઓ ભવ્ય ઉદ્ઘાટન સમારોહ જોઈ શકશે જે સાંજે 6.25 વાગ્યે શરૂ થશે. ટૂર્નામેન્ટની ઓપનિંગ સેરેમનીમાં બોલિવૂડ સ્ટાર્સ પરફોર્મ કરશે. કિયારા અડવાણી અને કૃતિ સેનન જેવા સ્ટાર્સ પરફોર્મ કરતા જોવા મળશે. ગાયક એપી ધિલ્લોન તેના કેટલાક મ્યુઝિકલ ચાર્ટબસ્ટર પરફોર્મ કરશે.

લાંબા સમયથી IPLમાં પુરૂષોની સફળતા જોનાર મહિલા ક્રિકેટરો હવે આખરે તેમનો પણ વારો છે. WPL મહિલા ખેલાડીઓને ચમકવાની તક પૂરી પાડશે જેમ કે તેઓ હંમેશા કલ્પના કરે છે. કુલ 20 લીગ મેચો અને બે પ્લેઓફ મેચો હશે અને આ 23 દિવસ સુધી રમાશે. સાત દેશોની 87 મહિલા ક્રિકેટરો આગામી 23 દિવસ સુધી પોતાનું કૌશલ્ય બતાવશે.
લીગ તબક્કાની અંતિમ મેચ 21 માર્ચે બ્રેબોર્ન સ્ટેડિયમમાં યુપી વોરિયર્સ અને દિલ્હી કેપિટલ્સ વચ્ચે રમાશે. એલિમિનેટર 24 માર્ચે ડીવાય પાટિલ સ્ટેડિયમમાં રમાશે. વિમેન્સ પ્રીમિયર લીગ 2023ની ફાઈનલ 26 માર્ચે બ્રેબોર્ન સ્ટેડિયમમાં રમાશે.