વાઈસ એડમિરલ દિનેશ કે ત્રિપાઠી બન્યા વેસ્ટર્ન નેવલ કમાન્ડના ચીફ, સંભાળશે કારોબાર

વાઈસ એડમિરલ દિનેશ કે ત્રિપાઠીએ મંગળવારે મુંબઈ-મુખ્યાલય વેસ્ટર્ન નેવલ કમાન્ડ (WNC) ના ફ્લેગ ઓફિસર કમાન્ડિંગ-ઈન-ચીફ (FOC-in-C) તરીકેનો કાર્યભાર સંભાળ્યો. તેઓ વાઈસ એડમિરલ અજેન્દ્ર બહાદુર સિંઘના અનુગામી બન્યા જેઓ સેવામાંથી નિવૃત્ત થયા હતા. ફ્લેગ ઓફિસર કમાન્ડિંગ-ઇન-ચીફ તરીકેનો કાર્યભાર સંભાળતા પહેલા, વાઇસ એડમિરલ ત્રિપાઠીએ સંરક્ષણ મંત્રાલય (નૌકાદળ)ના સંકલિત મુખ્યાલયમાં ચીફ ઑફ પર્સનલ તરીકે સેવા આપી હતી.

1985માં ભારતીય નૌકાદળમાં નિમણૂક થઈ હતી

વાઈસ એડમિરલ દિનેશ કે ત્રિપાઠી સૈનિક સ્કૂલ રીવા અને નેશનલ ડિફેન્સ એકેડમી, ખડકવાસલાના ભૂતપૂર્વ વિદ્યાર્થી છે. તેઓ 1 જુલાઈ 1985ના રોજ ભારતીય નૌકાદળમાં સામેલ થયા હતા. એડમિરલ દિનેશ કે ત્રિપાઠી કોમ્યુનિકેશન્સ અને ઈલેક્ટ્રોનિક વોરફેર નિષ્ણાત છે.

તેમણે નૌકાદળના અનેક ફ્રન્ટલાઈન યુદ્ધ જહાજો પર સેવા આપી હતી. તેમણે વિવિધ મહત્વપૂર્ણ ઓપરેશનલ અને સ્ટાફની નિમણૂંકો પણ સંભાળી છે જેમાં મુંબઈ ખાતે ફ્લીટ ઓપરેશન્સ ઓફિસર વેસ્ટર્ન ફ્લીટ, ડાયરેક્ટર નેવલ ઓપરેશન્સ, પ્રિન્સિપલ ડાયરેક્ટર નેટવર્ક સેન્ટ્રિક ઓપરેશન્સ અને પ્રિન્સિપલ ડિરેક્ટર નેવલ પ્લાન નવી દિલ્હી ખાતેનો સમાવેશ થાય છે.

રિયર એડમિરલના હોદ્દા પર પ્રમોશન પર, તેમણે સંરક્ષણ મંત્રાલય (નેવી)ના સંકલિત મુખ્યાલયમાં નૌકાદળના સહાયક વડા (નીતિ અને યોજનાઓ) તરીકે અને પૂર્વીય ફ્લીટના કમાન્ડિંગ ફ્લેગ ઓફિસર તરીકે પણ સેવા આપી હતી.