વલ્લભીપુર પોલીસ સ્ટેશન ટીમે વલ્લભી વિદ્યાપીઠ શાળાના વિદ્યાર્થીઓ સાથે સેમિનાર કર્યો

નિલેશ આહીર

બાળકોમાં જાગૃતિ લાવવા પ્રયાસ

બાળકોએ પોલીસની વિવિધ શાખાની કામગીરી અને ગુડ ટચ અને બેડ ટચ સહિતની માહિતી મેળવી

વલ્લભીપુર પોલીસ ટીમ દ્વારા વલ્લભી વિદ્યાપીઠ શાળાના વિદ્યાર્થીઓ માટે સેમિનારનું આયોજન કર્યુ હતું. શાળાના બાળકોએ પોલીસની વિવિધ શાખાની કામગીરી, ટ્રાફિકના નિયમો, ઉમરને લગતી સમજ અને બાળકોને ગુડ ટચ અને બેડ ટચ સહિતની માહિતી મેળવી હતી.

વલ્લભીપુર પોલીસ ટીમ દ્વારા મહિલાઓ અને બાળકો ઉપર ઘરેલુ હિંસા અને અત્યાચાર થતાં હોય તો તેમને માર્ગદર્શન આપી તેનું નિરાકરણ લાવવાનું કાર્ય કરે છે. તેમજ વર્તમાન સમયમાં સાયબર ક્રાઇમના વધતા જતાં ગુનાઓને પ્રત્યે લોકોમાં જાગૃતિ લાવી ઇન્ટરનેટ જેવા માધ્યમોથી સાયબર ક્રાઇમનો ભોગ બનતા વ્યક્તિઓ ફરીયાદ કરવા આગળ આવે તે માટે જાગૃતિ લાવવાનું તેમજ ભીડભાડ વાળી જગ્યાએ ઉપર મહિલાઓ અને બાળકો સાથે બનતા અણબનાવ અટકાવવા પેટ્રોલીંગ સહિતની કામગીરી કરવામાં આવે છે.

જેના અનુસંધાનમાં આજ રોજ વલ્લભીપુર પોલીસ અધિકારી પી.ડી.ઝાલા એ પોતાના વક્તવ્યમાં કારકિર્દી માર્ગદર્શન, સાયબર ક્રાઇમ તેમજ સ્ત્રી સશક્તિ કરણ ટ્રાફિક નિયમો સહિતના વિશે જાણકારી અને સમજૂતી આપી વિધાર્થીઓ ખુબ પ્રેરીત થયાં અને અન્ય લોકો પણ ટ્રાફિક નિયમોનું ચુસ્ત પણે પાલન કરે તે માટે વિધાર્થીઓ દ્વારા અન્ય લોકોને માહિતી આપવા જાગૃત કરે તેવી માહિતી આપવામાં આવી હતી.

બાળકો સાથે વાર્તાલાપ કરી બાળકોને પોલીસની વિવિધ શાખાની કામગીરી,ટ્રાફિકના નિયમો, ગુડ ટચ અને બેડ ટચ તેમજ ઉમરને લગતી માહિતી તથા તેમની સાથે બનતા અણબનાવને રોકવા શું સાવચેતી રાખવી તેમજ મોબાઈલના ફાયદા તથા ગેરફાયદા સમજાવ્યા હતા.