સફેદ કે બ્રાઉન રાઈસ નહીં, ડાયાબિટીસના દર્દીઓ માટે આ ચોખા સૌથી વધુ ફાયદાકારક છે

ચોખા એ ભારતીય ભોજનમાં સમાવિષ્ટ એક મહત્વપૂર્ણ અનાજ છે. પરંતુ સફેદ ચોખાને ડાયાબિટીસના દર્દીઓ માટે ઝેર માનવામાં આવે છે, કારણ કે તે શુગરનું સ્તર વધારી શકે છે.

ડાયાબિટીસ એક એવો રોગ છે, જેમાં ખોરાકને લઈને ઘણું ટાળવું પડે છે. ભલે તમે સફેદ ચોખાનું સેવન ન કરી શકો. પરંતુ એક ચોખા છે, જેને તમે વિના સંકોચ ખાઈ શકો છો અને તે છે ‘કાલા ચાવલ’ એટલે કે ‘બ્લેક રાઇસ’.

ડાયાબિટીસના દર્દીઓ માટે કાળા ચોખા ખૂબ જ ફાયદાકારક છે. કારણ કે તેનો ગ્લાયકેમિક ઇન્ડેક્સ ઓછો છે. આટલું જ નહીં કાળા ચોખા પ્રોટીન, આયર્ન, એન્ટીઓક્સીડેન્ટ અને ફાઈબરથી ભરપૂર હોય છે.

જો તમે ડાયાબિટીસના દર્દી છો અને ભાત ખાવાનું પસંદ કરો છો, તો તમે કાળા ચોખા પસંદ કરી શકો છો. તે તમારા બ્લડ સુગરના સ્તરને વધવા દેશે નહીં અને તમારા હૃદયના સ્વાસ્થ્યનું પણ ધ્યાન રાખશે.

કાળા ચોખા કોલેસ્ટ્રોલને નિયંત્રણમાં રાખવાનું પણ કામ કરી શકે છે અને હૃદયની બીમારીઓ સામે પણ રક્ષણ આપી શકે છે. એટલા માટે તમારા આહારમાં કાળા ચોખાનો ચોક્કસપણે સમાવેશ કરો.

ઘણા લોકોને કબજિયાતની સમસ્યા હોય છે. જો તમે પણ આ લોકોમાં સામેલ છો તો આજથી જ કાળા ચોખાનું સેવન શરૂ કરી દો. આનાથી કબજિયાતની સમસ્યા તો દૂર થશે જ, પરંતુ પાચન સંબંધી સમસ્યાઓ પણ દૂર થશે.