આગામી T20 સિરીઝમાં આ ખેલાડીની વાપસી, ટીમ ઈન્ડિયાને મળશે નવો કેપ્ટન

ભારતીય ટીમ હાલ વેસ્ટ ઈન્ડિઝના પ્રવાસે છે. જ્યાં ટીમ ઈન્ડિયા બે ટેસ્ટ, ત્રણ વનડે અને પાંચ ટી-20 મેચ રમશે. આ શ્રેણી બાદ ટીમ ઈન્ડિયાએ આયર્લેન્ડનો પ્રવાસ કરવો પડશે. જ્યાં બંને ટીમો વચ્ચે ત્રણ T20 મેચોની સિરીઝ રમાશે. આ શ્રેણીમાં ટીમ ઈન્ડિયા સંપૂર્ણ રીતે બદલાઈ શકે છે. હકીકતમાં, પીટીઆઈના તાજેતરના અહેવાલ મુજબ, ટી20 ટીમના કેપ્ટન હાર્દિક પંડ્યા અને શુભમન ગિલને આ શ્રેણી માટે આરામ આપવામાં આવી શકે છે. આ બંને ખેલાડીઓના વર્કલોડ મેનેજમેન્ટને ધ્યાનમાં રાખીને આ નિર્ણય લેવામાં આવી શકે છે. વાસ્તવમાં ભારતે આ વર્ષે ODI વર્લ્ડ કપ રમવાનો છે અને તે સમયે આ ખેલાડીઓનું ફિટ હોવું જરૂરી છે. આવી સ્થિતિમાં ટીમ ઈન્ડિયા નવા કેપ્ટનની શોધમાં છે.

આ ખેલાડી બનશે ટીમ ઈન્ડિયાનો કેપ્ટન

ટીમ ઈન્ડિયા આયર્લેન્ડ સામેની શ્રેણીમાં કેપ્ટનની શોધમાં છે. હાલમાં ટી-20માં ટીમ ઈન્ડિયાની કેપ્ટનશીપ હાર્દિક પંડ્યાના હાથમાં છે. જ્યારે સૂર્યકુમાર યાદવ વાઇસ કેપ્ટન છે. આવી સ્થિતિમાં હાર્દિકની ગેરહાજરીમાં સૂર્યકુમાર યાદવ કેપ્ટન બની શકે છે.

ટાઈમ્સ ઓફ ઈન્ડિયાના અહેવાલમાં એવો પણ ખુલાસો થયો છે કે આયર્લેન્ડ પ્રવાસ પર ટીમની કપ્તાની સૂર્યકુમાર યાદવને આપવામાં આવશે. સૂર્યકુમારે આ વર્ષે રમાયેલી IPL દરમિયાન મુંબઈ ઈન્ડિયન્સની કેપ્ટનશિપ પણ કરી હતી.

આ ખેલાડી ટીમ ઈન્ડિયામાં પરત ફરશે

ટીમ ઈન્ડિયાનો કોઈ ખેલાડી આયરલેન્ડ પ્રવાસ પર લાંબા સમય બાદ વાપસી કરી શકે છે. આ ખેલાડી બીજું કોઈ નહીં પણ જસપ્રિત બુમરાહ છે. લાંબા સમયથી ઈજાના કારણે ટીમ ઈન્ડિયામાંથી બહાર રહેલો જસપ્રિત બુમરાહ હવે વાપસી કરી શકે છે. શુક્રવારના રોજ, BCCIએ બુમરાહની ઈજા અંગે અપડેટ આપી હતી. જે મુજબ બુમરાહ તેની રિકવરીના છેલ્લા તબક્કામાં છે. આવી સ્થિતિમાં, એવું માનવામાં આવે છે કે તે આયર્લેન્ડ સામેની T20 શ્રેણી સાથે ટીમ ઈન્ડિયાની ટીમમાં વાપસી કરીને પોતાના ODI વર્લ્ડ કપની તૈયારી શરૂ કરી શકે છે.