8 કલાકથી વધુની ઊંઘ સ્વાસ્થ્ય માટે બની શકે છે સમસ્યા, થઇ શકે છે આ ગંભીર સમસ્યા

સ્વસ્થ જીવન જીવવા માટે પૂરતી અને ગુણવત્તાયુક્ત ઊંઘ લેવી જરૂરી છે. ઘણીવાર નિષ્ણાતો 7 થી 8 કલાકની ઊંઘ લેવાની ભલામણ કરે છે. જો તમે આનાથી ઓછી ઊંઘ લો છો તો તમને અનેક પ્રકારની બીમારીઓ થઈ શકે છે.પરંતુ શું તમે જાણો છો કે લાંબા સમય સુધી સૂવાથી પણ તમારા શરીરને ઘણા નુકસાન થઈ શકે છે. હા, જો તમે પણ 8 કલાકથી વધુ ઊંઘો છો, તો તમારે તમારા સ્વાસ્થ્યને થતા નુકસાનને સમજવું જોઈએ.

વધુ પડતી ઊંઘ લેવાના ગેરફાયદા

1. જરૂરિયાત કરતાં વધુ ઊંઘ લેવાથી વ્યક્તિ ડિપ્રેશનનો શિકાર બની શકે છે. PLOSના રિપોર્ટ અનુસાર, વધુ ઊંઘવાથી ડિપ્રેશન થઈ શકે છે. જ્યારે તમે વધુ ઊંઘો છો, તો સુસ્તી રહે છે, તમને કામ કરવાનું મન થતું નથી. એકાગ્રતામાં ઘટાડો થાય છે અને આમ તમે ડિપ્રેશનનો શિકાર બનો છો.

2. જરૂરિયાત કરતાં વધુ ઊંઘ લેવાથી પણ હૃદયની બીમારીઓનું જોખમ વધી જાય છે. અમેરિકન એકેડેમી ઓફ સ્લીપ મેડિસિનમાં પ્રકાશિત થયેલા રિપોર્ટ અનુસાર જે લોકો 9 થી 11 કલાકની ઊંઘ લે છે તેમને હૃદય રોગ થવાની શક્યતા 30 થી 38 ટકા વધી જાય છે.

3. લાંબા સમય સુધી સૂવાથી તમે શારીરિક રીતે સક્રિય બનો છો. જેના કારણે તમારું વજન વધી શકે છે. તમને સ્થૂળતાની સાથે પાચન સંબંધિત સમસ્યાઓ પણ થઈ શકે છે. એક અભ્યાસ મુજબ, જે લોકો દરરોજ રાત્રે 9 કે 10 કલાક સુતા હતા તેઓ 8 કલાકની ઉંઘ લેનારા લોકો કરતા 6 વર્ષના ગાળામાં મેદસ્વી થવાની સંભાવના 21% વધુ હતી.