iQoo Neo 7ની ભારતમાં લૌન્ચિંગ થઇ કન્ફર્મ, 512 GB સુધી મળશે ઇનબિલ્ટ સ્ટોરેજ

ભારતમાં iQoo Neo 7 ના લોન્ચની પુષ્ટિ થઈ ગઈ છે. iQoo Neo 7ને ચીનમાં થોડા મહિના પહેલા જ લોન્ચ કરવામાં આવ્યો છે. iQoo Neo 7માં 120Hz રિફ્રેશ રેટ સાથે ડિસ્પ્લે છે, જેની ડિઝાઇન પંચહોલ છે. ફોનમાં Android 13 આધારિત OriginOS Ocean આપવામાં આવ્યું છે. iQoo Neo 7ને ત્રણ વેરિઅન્ટમાં અને 12 GB સુધીની RAM સાથે 512 GB સુધીના સ્ટોરેજમાં રજૂ કરવામાં આવ્યું છે. iQoo Neo 7 ભારતમાં 16 ફેબ્રુઆરીએ લૉન્ચ થશે અને તેનું વેચાણ એક્સક્લુઝિવલી Amazon India પરથી થશે.

iQoo એ હજુ સુધી iQoo Neo 7 ના ફીચર્સ વિશે સત્તાવાર માહિતી આપી નથી, પરંતુ ફોનના ચાઇનીઝ વર્ઝન પરથી ભારતીય વેરિઅન્ટનો અંદાજ લગાવી શકાય છે. iQoo Neo 7ને ચીનમાં 2,699 ચાઈનીઝ યુઆન એટલે કે લગભગ 30,800 રૂપિયાની કિંમતે લોન્ચ કરવામાં આવ્યો છે. આ કિંમત 8 જીબી રેમ અને 128 જીબી સ્ટોરેજની છે. ચીનમાં iQoo Neo 7 ને જિયોમેટ્રી બ્લેક, ઈમ્પ્રેશન બ્લુ અને પોપ ઓરેન્જ કલરમાં રજૂ કરવામાં આવ્યું છે.

iQoo Neo 7 launch confirmed in India, up to 512 GB inbuilt storage

iQoo Neo 7 ના ફીચર્સ
iQoo Neo 7 માં 120Hz ના રિફ્રેશ રેટ સાથે 6.78-ઇંચ ફુલ HD પ્લસ Samsung E5 AMOLED AMOLED ડિસ્પ્લે છે. ફોનમાં 4nm MediaTek Dimensity 9000+ પ્રોસેસર છે અને 12 GB સુધીની LPDDR5 રેમ સાથે ગ્રાફિક્સ માટે Mali-G710 GPU આપવામાં આવ્યું છે. ફોનમાં Android 13 આધારિત OriginOS Ocean છે.

આ સિવાય ફોનમાં 5000mAh બેટરી છે જેની સાથે 120W ફ્લેશ ચાર્જિંગ પણ છે. કેમેરા વિશે વાત કરીએ તો, iQoo Neo 7માં ત્રણ રીઅર કેમેરા છે, જેમાં પ્રાથમિક લેન્સ 50-megapixel Sony IMX766V સેન્સર છે, જેનું અપર્ચર f/1.88 છે અને તે ઓપ્ટિકલ ઈમેજ સ્ટેબિલાઈઝેશન OIS ને પણ સપોર્ટ કરે છે. પાછળનો એક લેન્સ 8 મેગાપિક્સલનો અલ્ટ્રા વાઈડ છે અને બીજો 2 મેગાપિક્સલનો મેક્રો છે. સેલ્ફી માટે 16 મેગાપિક્સલનો કેમેરો છે.