ભારે વરસાદને લઈને સિહોરમાં જર્જરિત મકાનોના ભાગો ધરાશય – નગરપાલિકા તંત્ર લાગ્યું કામે

દેવરાજ

સિહોરમાં ભારે સતત વરસાદ ને લઈને જુના મકાન ને નુકશાન થવા પામ્યું છે. જેમાં જૂની શાકમાર્કેટ પાસે વખારવાળા ચોકમાં આવેલ મનુભાઈ ખાંમ્ભાવાળનું મકાન તેમજ પ્રગટનાથ ઢાળમાં આવેલ કાશીબાવના ઢોળે પણ દિવાલ ધરાશય થતા ઉપર રહેતા લોકોને ભારે અગવડતા ભોગવી પડી હતી.

ત્યારે સિહોરના ટાણા રોડ ઉપર આવેલ પણ એક મકાન ધરાશાયી થયા મકાન ની અંદર ફસાયેલા બે મજૂરો ને નગરપાલિકા ના સેનિટેશન વિભાગ દ્વારા બચાવ કામગીરી કરી બહાર કાઢવામાં આવ્યા હતા. આવા તો ઘણા મકાનો સિહોરના જુના વિસ્તારમાં કોઈપણ સમયે તૂટે તેવી સ્થિતિ માં હશે જો નગરપાલિકા ધ્યાન આપે તો મોટી જાનહાનિ થતા બચાવી શકાય.