હરમનપ્રીત કૌરે મેચ જીતતાની સાથે જ રોહિત ને પાછળ છોડતા કર્યું આ મોટું કારનામુ, બનાવ્યો આ રેકોર્ડ

ભારતીય મહિલા ક્રિકેટ ટીમે બાંગ્લાદેશ સામેની પ્રથમ T20 મેચમાં ધમાકેદાર જીત મેળવી હતી. ભારતીય ટીમના બોલરો અને બેટ્સમેનોએ શાનદાર પ્રદર્શન કર્યું હતું. કેપ્ટન હરમનપ્રીત કૌરે આ મેચમાં શાનદાર અડધી સદી ફટકારી અને ટીમ ઈન્ડિયાને જીત અપાવવામાં મહત્વની ભૂમિકા ભજવી. તેણે મેચમાં એક મોટો રેકોર્ડ પોતાના નામે કર્યો. ચાલો તેના વિશે જાણીએ.

હરમનપ્રીત કૌરે શાનદાર પ્રદર્શન કર્યું
બાંગ્લાદેશ મહિલા ક્રિકેટ ટીમે ભારતીય મહિલા ક્રિકેટ ટીમને 115 રનનો ટાર્ગેટ આપ્યો હતો, જેને ભારતે પાંચ વિકેટ ગુમાવીને ખૂબ જ સરળતાથી હાંસલ કરી લીધો હતો. ભારત તરફથી કેપ્ટન હરમનપ્રીત કૌરે 35 બોલમાં 54 રન બનાવ્યા જેમાં 6 ફોર અને 2 લાંબી સિક્સ સામેલ હતી. તેણે ચોગ્ગો ફટકારીને ટીમ ઈન્ડિયાને જીત અપાવી હતી. હરમનપ્રીત કૌરને ‘પ્લેયર ઓફ ધ મેચ’ જાહેર કરવામાં આવી હતી. આંતરરાષ્ટ્રીય T20 ક્રિકેટમાં કેપ્ટન તરીકે આ તેનો 5મો ‘પ્લેયર ઓફ ધ મેચ’ ખિતાબ છે અને આ સાથે તેણે રોહિત શર્માને પાછળ છોડી દીધો છે. રોહિતે કેપ્ટન તરીકે 4 પ્લેયર ઓફ ધ મેચ ટાઈટલ જીત્યા છે.

T20માં સૌથી વધુ ‘પ્લેયર ઓફ ધ મેચ’ એવોર્ડ મેળવનાર ભારતીય કેપ્ટન

1. હરમનપ્રીત કૌર – 6
2. રોહિત શર્મા – 5
3. વિરાટ કોહલી – 3
4. મિતાલી રાજ – 2

ભારત માટે ત્રણેય ફોર્મેટ રમ્યા
હરમનપ્રીત કૌરે ભારત માટે ત્રણેય ફોર્મેટમાં ક્રિકેટ રમી છે. તેણે ભારત માટે 3 ટેસ્ટમાં 38 રન, 124 વનડેમાં 3322 રન અને 152 ટી20 મેચમાં 3112 રન બનાવ્યા છે. તે વિસ્ફોટક બેટિંગમાં પારંગત છે અને માત્ર થોડા બોલમાં મેચનો માર્ગ બદલી નાખે છે.

ભારતે મેચ જીતી લીધી હતી
બાંગ્લાદેશ વિરૂદ્ધ ભારતીય કેપ્ટન હરમનપ્રીત કૌરે ટોસ જીતીને પ્રથમ બોલિંગ કરવાનો નિર્ણય લીધો જે એકદમ સાચો સાબિત થયો. બાંગ્લાદેશના બેટ્સમેનો ભારતીય બોલરો સામે ટકી શક્યા ન હતા. બાંગ્લાદેશની ટીમ 20 ઓવરમાં માત્ર 114 રન જ બનાવી શકી હતી. ભારત તરફથી પૂજા વસ્ત્રાકર, શેફાલી વર્મા અને મિનુ મણીએ 1-1 વિકેટ ઝડપી હતી. આ પછી સ્મૃતિ મંધાના અને હરમનપ્રીત કૌરે નાના લક્ષ્યનો પીછો કરવા માટે ટીમ ઈન્ડિયા માટે શાનદાર ઈનિંગ્સ રમી હતી. મંધાનાએ 38 રનનું યોગદાન આપ્યું હતું.