ભાવનગર-અમદાવાદ હાઇ-વે પરથી ઇંગ્લીશ દારૂ બીયર ભરેલ બોલેરો પીકઅપ સાથે એક શખ્સ ઝડપાયો

પવાર

• લોકલ ક્રાઇમ બ્રાન્ચ તથા પેરોલ કર્લો સ્કવોડએ વિદેશી દારૂ, બિયર, મોબાઇલ, બોલેરો પીકઅપ મળી ૩.૮,૧૧,૦૮૦ નો મુદ્દામાલ કબજે કર્યો

ભાવનગર-અમદાવાદ હાઇ-વે ઉપર ભડભીડ ટોલનાકા પાસે થી બોલેરો પીકઅપમાં વિદેશી દારૂ અને બિયરની હેરાકેરી કરતા શખ્સને લોકલ ક્રાઇમ બ્રાન્ચ તથા પેરોલ કર્લો સ્કવોડએ ઝડપી લઇ કાયદેસરની કાર્યવાહી હાથ ધરી હતી. પોલીસ સૂત્રો પાસેથી મળતી માહિતી મુજબ એલ.સી.બી.પેરોલ ફર્લો સ્ટાફનાં ભાવનગર ગ્રામ્ય વિસ્તારમાં પેટ્રોલીંગમાં હતાં.

તે દરમ્યાન બાતમી મળતા તુરતજ ભાવનગર-અમદાવાદ હાઇ-વે ઉપર ભડભીડ ટોલનાકા ઉપર વોચ ગોઠવી ત્યારે ધોલેરા તરફથી ભાવનગર શહેરમાં આવી રહેલ બોલેરો પીકઅપ કાર નંબર-GJ-04-AW-6980 ને અટકાવી તલાસી લેતાં ઇંગ્લીશ દારૂ બિયર નો જથ્થો મળી આવતા પોલીસે સાગર કિશોરભાઇ ચુડાસમા ઉ.વ.૨૮ ને વિદેશી દારૂ બીયર મોબાઈલ બોલેરો પીકઅપ મળી કુલ ૩.૮,૧૧,૦૮૦ નાં મુદ્દામાલ સાથે ધરપકડ કરી સાગર કિશોરભાઇ ચુડાસમા,પ્રતાપભાઇ જેશંગભાઇ પરમાર વિરુધ્ધ વેળાવદર ભાલ પોલીસ સ્ટેશનમાં પ્રોહિબિશનની અલગ-અલગ કલમો હેઠળ ગુન્હો દાખલ કરાવ્યો હતો.