પાકિસ્તાનથી ઝડપાયેલ હેરોઈનનું મોટું કન્સાઈનમેન્ટ રાજકોટ પહોંચ્યું, 215 કરોડની કિંમત, દિલ્હીથી દાણચોર ઝડપાયો

ગુજરાત એન્ટી ટેરરિઝમ સ્ક્વોડ (ATS)એ રાજકોટમાં પાકિસ્તાનથી 215 કરોડ રૂપિયાનું હેરોઈન જપ્ત કર્યું છે. તે જ સમયે, દાણચોરીના આરોપમાં દિલ્હીથી એક નાઇજિરિયન નાગરિકની ધરપકડ કરવામાં આવી છે. એક અધિકારીએ જણાવ્યું હતું કે, ATSએ થોડા દિવસો પહેલા એક વ્યક્તિની શંકાના આધારે અટકાયત કરી હતી કે તેણે તાજેતરમાં દરિયાઈ માર્ગે હેરોઈનની દાણચોરી કરી હતી.

નાઇજિરિયન નાગરિકે ખુલાસો કર્યો

ATS અધિકારીએ જણાવ્યું હતું કે, “પૂછપરછ દરમિયાન, નાઇજિરિયન નાગરિકે ખુલાસો કર્યો હતો કે દાણચોરી કરાયેલ કન્સાઇનમેન્ટ રાજકોટ જિલ્લાના પડધરી તાલુકામાં એક જગ્યાએ રાખવામાં આવ્યું હતું. અમારી ટીમે તે સ્થળની તપાસ કરી અને 31 કિલો હેરોઇન જપ્ત કર્યું,” એટીએસ અધિકારીએ જણાવ્યું હતું.

24 મે સુધી નાઇજિરિયન નાગરિકની અટકાયત

જપ્ત કરાયેલ ડ્રગની આંતરરાષ્ટ્રીય બજારમાં કિંમત 215 કરોડ રૂપિયા છે, એમ અધિકારીએ જણાવ્યું હતું. તેમણે કહ્યું કે નાઈજિરિયન નાગરિકની ગુરુવારે 11 મેના રોજ ધરપકડ કરવામાં આવી હતી અને એટીએસે કોર્ટમાંથી 24 મે સુધી તેની કસ્ટડી લીધી છે.