સિહોરના સણોસરા ગામે સાવકા પિતાએ પુત્રનું ઢીમ ઢાળી દીધું : પંથકમાં ચકચાર

પવાર

કામધંધા બાબતે થયેલા ઝઘડામાં ઉશ્કેરાઈ જઈ પુત્રના માથામાં લાકડાના ધોકાના ઘા ઝીંકી દીધા ; કિશનનું સારવાર દરમિયાન મોત

સિહોરના સણોસરા ગામે કામધંધા બાબતે સાવકા પિતા અને પુત્ર વચ્ચે થયેલા ઝઘડાએ ઉગ્ર સ્વરૂપ ધારણ કરી લેતા પિતાએ ઉશકેરાઈ જઈ પુત્રના માથામાં લાકડાના ધોકાના ઘા ઝીંકી દેતા પુત્રનું સારવાર દરમ્યાનમોત નીપજ્યું હતું. સણોસરા ગામે રહેતા કિશનભાઈ બાબુભાઇ હાવળીયા નામના યુવાનને તેના સાવકા પિતા મનસુખ ખોડાભાઈ હાવળીયા વચ્ચે કામધંધા બાબતે બોલાચાલી થઈ હતી.

જેમાં વાત વધી પડતા બન્ને વચ્ચે ઝઘડો થતા મનસુખ ખોડાભાઈએ ઉશકેરાઈ જઈ લાકડાના ધોકાના ઘા કિશનભાઈને માથામાં ઝીંકી દેતા કિશનભાઈને ગંભીર હાલતે સારવાર માટે ભાવનગર ખસેડાતા તેનું મોત નીપજ્યું હતું. આ અંગે અજયભાઈ માસુખભાઈ હાવળીયાએ પોતાના પિતા મનસુખ ખોડાભાઈ હાવળીયા વિરૂધ્ધ સોનગઢ પોલીસમાં ફરિયાદ નોંધાવતા પોલીસે આરોપીને ઝડપી લેવા તજવીજ હાથ ધરી હતી. ઘટનાના પગલે સણોસરા ગામે ભારે ચકચાર મચી છે