સિહોર તાલુકા પંચાયત કચેરીમાં કોઈ દાખલો લેવા જાવ તો ભાજપના કારોબારી ચેરમેનની ચેમ્બરમાં જતા રહેજો – અશોક મામસી

પવાર

તાલુકા પંચાયત કચેરીનો વહીવટ એકદમ કથળેલી હાલતમાં, અરજદારોને ભાજપના કારોબારી ચેરમેનની ચેમ્બરમાં દાખલાઓ લેવા જવાનું આ કેવું.? દાખલા કાઢવાના ડિપારમેન્ટ, કર્મચારી, અધિકારીઓ શુ કરે છે એ મોટો સવાલ ; કોંગ્રેસના યુવા અશોક મામસીએ વૈધિક સવાલો ઉઠાવ્યા

વિવિધ સરકારી યોજનાનો લાભ લેવા માટે ડોકયુમેન્ટનું ખુબ જ જરૂર પડે છે, જો કે ડોક્યુમેન્ટ માટે સરકારી કચેરીના ધક્કા ખાવાની પરંપરા વર્ષો જૂની છે, આજના ડિજિટલ યુગમાં પણ એકપણ એવુ સરકારી કામ નહીં હોઈ જે માટે સરકારી કચેરીધક્કા ન ખાવા પડે, સરકાર દ્વારા ભલે ગમે તેટલા ડિજિટલાઈઝના દાવા કરવામાં આવે પરંતુ અનેક એવા કામ છે જેના માટે સરકારી કચેરીના ધક્કા ખાવા જ પડે છે.

સિહોર તાલુકા પંચાયત કચેરીમાં દાખલાઓ કઢાવવા ભાજપના પદાઅધિકારીની ચેમ્બર બહાર લાંબી લાઈનો જોવા મળી હતી. જેને કોંગ્રેસના અગ્રણી અશોક મામસીએ કહ્યું છે કે સિહોર તાલુકા પંચાયત કચેરીમાં કોઈ દાખલો લેવા જાવ તો ભાજપના કારોબારી ચેરમેનની ચેમ્બરમાં જતા રહેજો, મામસીએ વધુમાં કહ્યું કે તાલુકા પંચાયત કચેરીનો વહીવટ એકદમ કથળેલી હાલતમાં દેખાઈ છે. અરજદારોને ભાજપના કારોબારી ચેરમેનની ચેમ્બરમાં દાખલાઓ લેવા જવાનું આ કેવું.? દાખલા કાઢવાના ડિપારમેન્ટ, કર્મચારી, અધિકારીઓ શુ કરે છે એ મોટો સવાલ છે વિધાર્થીઓ આવક દાખલા, ક્રીમીનલ દાખલા સહિતના મહત્ત્વના દાખલાઓ માટે વારેવારે ધક્કા ખાવામાં આવે છે‌.

સરકાર દ્રારા માત્ર 12 કલાકમાં દાખલાઓ આપવા આદેશો થવા છતા એસીમાં બેસી અધિકારીઓ સાત આઠ દિવસે દાખલાઓ માટે અરજદારોને ધરમધકકાઓ ખવરાવે છે. અહીં કોઈ મુખ્ય અધિકારીઓ હાજર ન હોય પણ દાખલા ભાજપના સતાધીશોની ચેમ્બરમાં નીકળે છે અધિકારીની ગેરહાજરી માં અરજદારો ટી.ડી.ઓ કે ઇન્ચાર્જ ના અધિકારીની કચેરીને બદલે ભાજપના ચૂંટાયેલા પદાધિકારીઓની ચેમ્બરમાં દાખલાઓ રાખવામાં આવે છે અન્ય પક્ષોને આજીજી કરવા ભાજપનાં પદાધિકારીની ચેમ્બરમાં જવું પડે તેટલી હલકી કક્ષાનું રાજકારણ હાલ સિહોર તાલુકા પંચાયત કચેરીમાં થઈ રહ્યું છે તેવો આરોપ મામસીએ કર્યો છે