Sihor
સિહોર મોંઘીબા જગ્યા ખાતે ગુરૂપૂર્ણિમા પર્વની આસ્થાભેર ઉજવણી : ગુરૂવંદના સહિત અનેક કાર્યક્રમો
પવાર
- મોંઘીબા જગ્યા ખાતે ગુરૂપૂજન, સત્સંગ, કિર્તન, મહાપ્રસાદ સહિતના અનુષ્ઠાનોમાં લોકો શ્રધ્ધાભેર જોડાયા
સિહોર સહિત સમગ્ર રાજયમાં ગકઇાલે ગુરૂપૂર્ણિમા દિવસની આસ્થાભેર ઉજવણી કરાઇ હતી, શાળા-કોલેજો, ધાર્મિક સંસ્થાઓમાં ગુરૂપૂર્ણિમા નિમિત્તે ગુરૂપૂજન, ગુરૂવંદના સહિતના કાર્યક્રમો યોજાયા હતા. ગુરૂ ગોવિંદ દોનો ખડે, કિસ કો લાગુ પાય, બલિહારી ગુરૂ આપ કી, જીસને ગોવિંદ દિયો દિખાયના નાદ સાથે સિહોરમાં ઠેર-ઠેર સોમવારે પરંપરાગત રીતે ગુરૂપુર્ણિમા મહોત્સવની ભાવ અને ભકિતમય માહોલમાં રંગે ચંગે ઉજવણી કરાઈ હતી.
આ અવસરે ચોમેર મહિમાપુર્ણ ગુરુપુજન, પાદુકા પુજન, ભાવપુજન,ધ્વજારોહણ, સત્સંગ, મહાપ્રસાદ અને સંતવાણી સહિતના કાર્યક્રમો યોજાયા હતા. આ નિમીત્તે સિહોર મોંધીબા જગ્યામાં ગુરૂપુજન, આરતી સાથે સત્સંગ સંકિર્તનમાં ભાવિકો જોડાયા હતા. આ વેળા આસપાસના અનેક ગામોના સેવકો મોટી સંખ્યામાં ઉમટી પડયા હતા અને ગુરુપુજન સાથે મહાપ્રસાદનો લાભ લીધો હતો.
