સિહોરના ખાખરીયાના પાટિયા પાસે બે બાઇકો વચ્ચે ગોઝારો અકસ્માત ; ગોપાલ જોષીનું કરૂણ મોત

પવાર

• સિહોરનો યુવાન ભાવનગર જઇ રહ્યો હતો તે વેળાએ દુર્ઘટના સર્જાઇ, અન્ય એક મહિલા પણ અકસ્માતમાં ઇજાગ્રસ્ત, બનાવને પગલે લોકોના ટોળા ઉમટયા, જોષી પરિવારમાં ઘેરો શોક

એક તરફ લગ્નસરાની સિઝન પૂરબહારમાં ખીલી છે ત્યારે બીજી તરફ ફેબ્રુઆરી મહિનામાં ઉનાળાની આકરી ગરમીની શરૂઆત થઈ ચૂકી છે ત્યારે અકસ્માતના બનાવોમાં પણ ઉત્તરોત્તર વધારો થઇ રહ્યો છે. સિહોરના ખાખરીયા ગામે આજે જીવલેણ અકસ્માત સર્જાતાં ગોપાલ જોષી નામના યુવકે જીવ ખોયો છે સિહોર ખાખરિયા પાટિયા નજીક બે મોટર સાયકલ અથડાતાં સિહોર ના આશાસ્પદ યુવાન નું કરુણ મોત નિપજયુ છે. ઘટનાની જાણ થતાની સાથે સિહોર પોલીસ કાફલો ઘટનાસ્થળે પહોંચી ગયો હતો. અને મૃતદેહ ને પીએમ અર્થે ખસેડી આગળની કાર્યવાહી હાથ ધરી હતી.

આ બનાવની વિગત મુજબ સિહોરના રેલ્વે સ્ટેશન રોડ પાસે રહેતા ગોપાલ કિરીટભાઇ જાની ઉ.વ ૨૪ પોતાનું મોટર સાયકલ લઈને ભાવનગર ખાતે નોકરી માટે આજે સવારે જઇ રહ્યા હતા તે વેળાએ ખાખરિયા પાટિયા પાસે થી પસાર થઈ રહ્યા હતા ત્યારે વાવડી થી દર્શન કરી બેચરભાઈ મકવાણા અને લાભુબેન બેચરભાઈ મકવાણા મોટર સાયકલ લઈ ફુલસર ગામે જઈ રહ્યા હતા ત્યારે મોટર સાયકલ મૃતક ની બાઈક સાથે સામ સામે ધડાકાભેર અથડાતાં ગોપાલ જોષીનું ઘટના સ્થળે મોત નિપજ્યું હતુ. જ્યારે સામેના મોટર સાયકલ ચાલક બેચરભાઈ મકવાણા ના પત્ની લાભુબેન બેચરભાઈ મકવાણા ઉ.વ ૫૫ ને ઇજા થતા સારવાર ૧૦૮ ઇમરજન્સી એમ્બયુલન્સ દ્વારા સિહોર સીએચસી સેન્ટર ખસેડવામાં આવેલ વધુ સારવાર અર્થે ભાવનગર ખસેડવા માં આવેલ આ ઘટના ને લઈ સિહોર પોલીસને થતા ઘટના સ્થળે દોડી ગયા હતા અને આશાસ્પદ યુવાન ના મોત ને લઈ બ્રહ્મસમાજ ના આગેવાનો તેમજ નગરપાલિકા ના ટી.પીચેરમેન અલ્પેશ ત્રિવેદી.તેમજ ભાજપ મહામંત્રી નિલેશ જાની સહિત મૃતકના સગા સબંધીઓ સ્નેહીઓ સહિત હોસ્પિટલ ખાતે પરિવાર ને સાત્વાંના માટે દોડી ગયા બનાવને લઈ જોષી પરિવાર આઘાતમાં ઘેરાઈ ગયો છે. બનાવને લઈ સિહોર પોલીસ સ્ટેશનના અધિકારી હે.કો દેવકુંભાઈ લોમા પો.કો યોગીરાજસિંહ ગોહિલ દ્વારા તપાસ હાથ ધરાઇ છે.