આમ આદમી પાર્ટી લોકપ્રશ્નો માટે હંમેશા અવાજ ઉઠાવશે ; રાજુ સોલંકી

પવાર

• ચૂંટણીના પરિણામો બાદ આમ આદમી ફરી મેદાને, સિહોર રેસ્ટ હાઉસ ખાતે બેઠક મળી, કોળી સમાજના નેતા રાજુ સોલંકી બેઠકમાં ખાસ ઉપસ્થિત રહ્યા, કાર્યકરોને માર્ગદર્શન આપ્યું, સ્થાનિક ચૂંટણી અંગે ખાસ ચર્ચા થઈ

વિધાનસભા ચૂંટણી પૂર્ણ થયા બાદ આમ આદમી પાર્ટી ફરી મેદાનમાં આવી છે, સિહોર ખાતે આમ આદમી પાર્ટીના હોદ્દેદારોની એક મહત્વની મિટીંગ મળી હતી. જેમાં નક્કી કરવામાં આવ્યું છે કે, આગામી દિવસોમાં પ્રજાના વિવિધ પ્રશ્નોને લઈને આમ આદમી પાર્ટી ભાવનગર જિલ્લા દ્વારા લડત શરૂ કરવામાં આવશે. આજે સિહોર સર્કીટ હાઉસ ખાતે શહેર પ્રમુખ જીતુભાઈ ઉપાધ્યાયની આગેવાનીમાં તાલુકા આમ આદમી પાર્ટી નવ નિયુકત બાબુભાઇ બોદર્યા આવકાર્ય બાદ તાલુકા તથા શહેર આપ સંગઠનની આગામી નગરપાલિકા ચુંટણીઓ માટે સારા છબી ધરાવતા ઉમેદવારો ને ટિકિટ આપવામાં આવે

તેમજ સોશ્યલ મીડીયા માં સ્થાનિક પ્રશ્નો ને લોકો સમક્ષ ઉજાગર કરી લોકો માં આમ આદમી પાર્ટી પ્રત્યે હકારાત્મક અભિગમ બનાવવા માટે આમ આદમી પાર્ટી દ્વારા સમીક્ષા બેઠક કાર્યક્રમ યોજાયેલ જેમાં આપ આગેવાનો,હોદેદારો,કાર્યકરો હાજર રહ્યા હતા અહીં સ્થાનિક ચૂંટણીને લઈ વિશેષ ચર્ચા થઈ હતી આ બેઠકમાં જનતાના બંધારણીય અધિકારો, ખેડૂતના પ્રશ્નો, તેમજ ગૌચરની જમીનો પર થયેલા ગેરકાયદેસર દબાણ અંગે વિગતવાર ચર્ચાઓ કરી જનહિતમાં જરૂરી તમામ મુદ્દાઓ પર લડત શરૂ કરવાનું સર્વાનુમતે નક્કી કરવામાં આવ્યું છે. અહીં શહેર તાલુકા અને જિલ્લાના તમામ હોદ્દેદારો ઉપસ્થિત રહ્યા હતા.