Redmi 12ની સામે આવી લોન્ચ ડેટ, ઓછી કિંમતમાં આવશે દમદાર સ્પેસિફિકેશન સાથે ફોન

સ્માર્ટફોન બ્રાન્ડ રેડમીએ ભારતમાં પોતાનો નવો ફોન Redmi 12 લોન્ચ કરવાની તૈયારી કરી લીધી છે. આ ફોન ભારતમાં 1લી ઓગસ્ટે લોન્ચ થશે. Xiaomi સબ-બ્રાન્ડે સોમવારે તેના સત્તાવાર ટ્વિટર હેન્ડલ દ્વારા નવા હેન્ડસેટના લોન્ચની પુષ્ટિ કરી. Redmi 12 બજેટ ફોનને ગયા મહિને પસંદગીના દેશોમાં રજૂ કરવામાં આવ્યો છે. આ સ્માર્ટફોન MediaTek G88 SoC દ્વારા સંચાલિત છે અને 50-મેગાપિક્સલના પ્રાથમિક સેન્સર સાથે ટ્રિપલ રીઅર કેમેરા સેટઅપ પેક કરે છે. ફોનમાં 90Hz રિફ્રેશ રેટ સાથે હોલ-પંચ ડિસ્પ્લે છે. Redmi 12 માં 5,000mAh બેટરી છે.

Redmi 12 ની સંભવિત કિંમત

Redmi 12 યુરોપમાં ગયા મહિને મિડનાઈટ બ્લેક, પોલર સિલ્વર અને સ્કાય બ્લુ શેડ્સમાં રજૂ કરવામાં આવ્યો હતો. ફોનની કિંમત 4GB RAM + 128GB સ્ટોરેજ વેરિઅન્ટ માટે EUR 199 (અંદાજે રૂ. 17,000) છે અને થાઈલેન્ડમાં 8GB RAM + 128GB સ્ટોરેજ વેરિઅન્ટ માટે 5,299 THB (આશરે રૂ. 12,500)માં સૂચિબદ્ધ છે. આ સ્માર્ટફોન ભારતમાં યુરોપિયન કિંમતે ઓફર કરી શકાય છે.

Redmi 12 ના સ્પેસિફિકેશન

Redmi 12નું ભારતીય વેરિઅન્ટ યુરોપિયન વેરિઅન્ટના સ્પેસિફિકેશન સાથે ઓફર કરી શકાય છે. યુરોપમાં, આ ફોન એન્ડ્રોઇડ 13 આધારિત MIUI 14 સાથે આવે છે. ફોનમાં 90Hz રિફ્રેશ રેટ સાથે 6.79-ઇંચની ફુલ-એચડી પ્લસ ડિસ્પ્લે છે. ફોનમાં MediaTek Helio G88 પ્રોસેસર અને 8 GB સુધીની LPDDR4X રેમ છે. રેમને 16GB સુધી વધારી શકાય છે. ફોનમાં eMMC 5.1 ઇનબિલ્ટ સ્ટોરેજ 256 GB સુધી છે.

Redmi 12 ને AI સપોર્ટેડ ટ્રિપલ રીઅર કેમેરા સેટઅપ મળે છે જેમાં 50 મેગાપિક્સલનો પ્રાથમિક સેન્સર, 8 મેગાપિક્સલનો અલ્ટ્રા-વાઇડ કેમેરા અને 2 મેગાપિક્સલનો મેક્રો સેન્સર છે. ફોનમાં સેલ્ફી અને વીડિયો કૉલ્સ માટે 8 મેગાપિક્સલ સેન્સર છે. ફોનમાં 5,000mAh બેટરી અને 18W ફાસ્ટ ચાર્જિંગ માટે સપોર્ટ છે.