Sihor
સિહોર સહિત જિલ્લાની છ નગરપાલિકાના 60 સફાઇ કામદારો કામગીરી માટે જૂનાગઢ મોકલાયા
જૂનાગઢ શહેરમાં ગઇકાલે અતિભારે વસાદના કારણે ઠેર-ઠેર પાણી ભરાયા છે. જેથી ત્યાં તંત્ર દ્વારા હાથ ધરાયેલી સફાઇ કામગીરીમાં ફરજ બજાવવા સિહોર સહિત જિલ્લાની છ નગરપાલિકાઓના સફાઇ કામદારોને જૂનાગઢ મોકલવામાં આવ્યા છે. જિલ્લાની તળાજા, પાલિતાણા, સિહોર, મહુવા, વલ્લભીપુર અને ગારિયાધાર નગરપાલિકાના કુલ 60 સફાઇ કામદારોને જૂનાગઢ મોકલવામાં આવ્યા છે. આ કામદારાઓ જૂનાગઢના અલગ-અલગ વિસ્તારોમાં જઇ યુદ્ધના ધોરણે સફાઇ કામગીરી શરુ કરી છે. આપત્તિના સમયે તેમની નિષ્ઠાપૂર્વકની ફરજ ખરેખર પ્રશંસનીય છે.
