Sihor
સિહોર વિદ્યામંજરી જ્ઞાનપીઠ ખાતે વાલી મિટિંગ સાથે મતદાન જાગૃતિ અભિયાન – સંકલ્પ પત્ર ભરાયા
પવાર
સિહોર શહેરની સુપ્રસિદ્ઘ શૈક્ષણિક સંસ્થા સંસ્કૃતિ સ્કૂલ,વિદ્યામંજરી જ્ઞાનપીઠ કેમ્પસ ખાતે ગત શનિવારના રોજ બાલમંદિર તેમજ ઘો- ૧ થી ૧ર (આર્ટસ/કોમર્સ/સાયન્સ)ના વિદ્યાર્થીઓની વાલીમીટીંગનું આયોજન કરવામાં આવ્યું. જેમા પ્રથમ સત્ર દરમિયાન લેવાયેલ પ્રથમ સત્રાંત પરીક્ષાનું પરિણામ તેમજ ડીસેમ્બર માસથી શરૂ થતી VTP-2 નું ચેપ્ટર પ્લાનિંગ વાલીશ્રીને આપવામાં આવ્યું હતું.
.આ વાલી મીટીંગમાં બહોળી સંખ્યામાં વાલીશ્રીઓ ઉ૫સ્થિત રહી તેમના બાળકના શૈક્ષણિક વિકાસ બાબતે વિષય શિક્ષક અને વર્ગ શિક્ષક સાથે ચર્ચા વિચારણા કરી હતી.આ વાલી મિટીંગમાં વ્યસન મુક્તિ પ્રદર્શન, શ્રી વલ્લભભાઈ પટેલની આઝાદીની લડતની તસ્વીરોનું પ્રદર્શન તેમજ દેશ ભક્તોના ફોટોગ્રાફ્સનું એક ભવ્ય પ્રદર્શન પણ ગોઠવવામાં આવ્યું હતું. ઉપસ્થિત તમામ વાલીશ્રી પાસે “અવસર લોકશાહીનો” અંતર્ગત મતદાન સંકલ્પ પત્ર ભરાવવામાં આવ્યા હતા. આ વાલીમીટીંગને સફળ બનાવવા માટે વિદ્યામંજરી જ્ઞાનપીઠ શાળા ૫રીવારે ભારે જહેમત ઉઠાવી હતી.
