ફિલિપાઈન્સમાં ટેકનિકલ ખામી બાદ ‘વિયેટજેટ’ પ્લેનનું ઈમરજન્સી લેન્ડિંગ, તમામ મુસાફરો સુરક્ષિત

ટેક્નિકલ સમસ્યાને કારણે બુધવારે સવારે ઉત્તર ફિલિપાઈન્સમાં વિયેટજેટ વિમાને ઈમરજન્સી લેન્ડિંગ કર્યું હતું. વિમાનમાં 214 લોકો સવાર હતા અને તમામ સુરક્ષિત છે. મુસાફરો અને ક્રૂમાંથી કોઈને ઈજા થઈ નથી.

એરબસ A-321 દક્ષિણ કોરિયાના શહેર ઇંચિયોનથી વિયેતનામ જઈ રહ્યું હતું ત્યારે તેમાં ટેકનિકલ ખામી સર્જાઈ હતી અને તેને ઈલોકોસ નોર્ટે પ્રાંતના લાઓગ ઈન્ટરનેશનલ એરપોર્ટ તરફ વાળવાની ફરજ પડી હતી, એમ ફિલિપાઈન્સની સિવિલ એવિએશન ઓથોરિટીએ જણાવ્યું હતું.

પ્લેનના કોઈપણ એન્જિનમાં કોઈ ખામી નથી
નાગરિક ઉડ્ડયન એજન્સીના પ્રવક્તા એરિક એપોલોનિયોએ ‘ધ એસોસિએટેડ પ્રેસ’ (એપી)ને જણાવ્યું, “પાઈલટે કોઈ ઈમરજન્સી જાહેર કરી ન હતી.” તેમણે ટેકનિકલ સમસ્યા અંગે ‘ટાવર’ને જાણ કરી હતી. જો કે, કોઈ એન્જિન ફેલ થયાના અહેવાલ નથી.

એપોલોનિયોએ કહ્યું કે મુસાફરો માટે અન્ય પ્લેનની વ્યવસ્થા કરવામાં આવી છે, જે બુધવારે આવવાની ધારણા છે. જ્યાં સુધી મુસાફરોને એરપોર્ટના ‘લોન્જ’માં રાહ જોવાનું કહેવામાં આવ્યું છે.