સુનીલ છેત્રીની કેપ્ટન્સીમાં ભારતે ઈન્ટરકોન્ટિનેન્ટલ કપ જીત્યો, ઈતિહાસ રચ્યો, 46 વર્ષ બાદ લેબનોનને હરાવ્યું

ભારતીય ફૂટબોલ ટીમે સુનીલ છેત્રીની કપ્તાનીમાં વધુ એક ઐતિહાસિક પ્રદર્શન કર્યું છે. આ ટીમે તે જ કર્યું જેની છેલ્લા 46 વર્ષથી ભારતના તમામ ફૂટબોલ પ્રેમીઓ રાહ જોઈ રહ્યા હતા. ભુવનેશ્વરના કલિંગા સ્ટેડિયમમાં રમાયેલા ઇન્ટરકોન્ટિનેન્ટલ કપ 2023 પર કબજો કરીને ખિતાબના દુકાળનો અંત કર્યો. ફાઇનલમાં ભારતીય ફૂટબોલ ટીમે લેબનોનને 2-0થી હરાવીને ટ્રોફી પર કબજો કર્યો હતો.

સમગ્ર ટૂર્નામેન્ટ દરમિયાન ટોપ ફોર્મમાં રહેલી કેપ્ટન સુનીલ છેત્રીની ટીમે ફાઇનલમાં પણ જબરદસ્ત રમત દેખાડી હતી. લેબનીઝ ટીમને એક પણ ગોલ કરવાની તક આપવામાં આવી ન હતી અને 2-0થી એકતરફી જીત મેળવીને ટ્રોફી પર કબજો કર્યો હતો. વર્ષ 2021માં SAFF ચેમ્પિયનશિપ જીત્યા બાદ ભારતીય ટીમે પ્રથમ વખત ટ્રોફી જીતી છે. ઇન્ટરકોન્ટિનેન્ટલ કપની ફાઇનલમાં, FIFA રેન્કિંગ 106 ધરાવતી ભારતીય ટીમે 99ની ઊંચી રેન્કિંગ ધરાવતી ટીમને હરાવી હતી.

ભારતીય ફૂટબોલ ટીમને 46 વર્ષ પછી એટલે કે 1977 પછી લેબનોન સામે પ્રથમ જીત મળી હતી. જ્યારે ટીમ માટે શાનદાર ગોલ ફટકારીને ટીમને ફાઇનલમાં સ્થાન અપાવનાર કેપ્ટન સુનીલ છેત્રી પણ ફાઇનલમાં જોવા મળ્યો હતો. લેબનોન સામેની ફાઇનલમાં એક ગોલ સુનીલ છેત્રીએ કર્યો હતો જ્યારે બીજો ગોલ લલિયાન્ઝુઆલા ચાંગટેએ કર્યો હતો.

ભારતે કુલ બીજી વખત ઇન્ટરકોન્ટિનેન્ટલ કપ જીત્યો છે. અગાઉ વર્ષ 2018 માં, ભારતે ઇન્ટરકોન્ટિનેન્ટલ કપની પ્રથમ આવૃત્તિ પણ કબજે કરી હતી. કેપ્ટન સુનિલ છેત્રી અને લલ્લિનઝુઆલા છાંગટેના ગોલની મદદથી ભારતે રવિવારે અહીં ઇન્ટરકોન્ટિનેન્ટલ કપની ફાઇનલમાં લેબનોનને 2-0થી હરાવ્યું હતું. ભારતે બીજી વખત આ ટૂર્નામેન્ટ પોતાના નામે કરી છે. ટીમે 2018માં તેની શરૂઆતની સીઝનની ફાઇનલમાં કેન્યાને હરાવ્યું હતું જ્યારે 2019માં ભારત ચોથા અને છેલ્લા સ્થાને રહ્યું હતું. ભારતીય ખેલાડીઓએ મેચમાં શરૂઆતથી જ પ્રભુત્વ જમાવ્યું હતું પરંતુ ગોલ કરવાની તકનો લાભ ઉઠાવવામાં નિષ્ફળ રહ્યા હતા.

સક્રિય ખેલાડીઓમાં ત્રીજા સૌથી વધુ આંતરરાષ્ટ્રીય ગોલ કરનાર છેત્રીએ મેચના બીજા હાફની શરૂઆતમાં ગોલ કર્યો, જ્યારે આ ગોલમાં મદદ કરનાર ચાંગટેએ 66મી મિનિટે ટીમની લીડ બમણી કરી. આ પછી બંને ટીમોએ વધુ પ્રયાસો કર્યા પરંતુ ગોલ કરવામાં નિષ્ફળ રહી.