શ્રી ભાવનગર મોઢ વણિક સમાજ ટ્રસ્ટ દ્વારા ત્રિ-દિવસીય પુષ્ટિમાર્ગીય મનોરથનું ભવ્ય આયોજન કરાશે

પવાર

ત્રિવસિય મનોરથમાં કાર્યક્રમમાં વૈષ્ણવો અનેરા ઉત્સાહ થી જોડાશે

ભાવનગરના આંગણે ત્રી દિવસીય પુષ્ટિમાર્ગીય મનોરથનો સાંસ્કૃતિક અને પ્રવિત્ર નગરી ભાવેણા ખાતે સોમ્યાજી દિક્ષિત પ.પુ.ગૌ.૧૦૮ શ્રી દ્વારકેશલાલજી મહારાજશ્રી (અમરેલી) ની મંગલ ઉપસ્થિતિ તથા અધ્યક્ષતામાં તા.૦૯-૦૯-૨૦૨૩ થી તા.૧૧-૦૯-૨૦૨૩ દરમિયાન બપોરનાં ૪ થી રાત્રીના ૮ સુધી મોતીબાગ ટાઉન હોલ ખાતે બ્રહ્મસંબંધ અને પુષ્ટિમાર્ગ ઉપર વચનામૃત આપશ્રી દ્વારા પ્રદાન કરવામાં આવશે તેમજ આ ત્રિ દિવસીય કાર્યક્રમમાં મુખ્યત્વે તા.૦૯-૦૯-૨૦૨૩ ના રોજ ભવ્ય શોભાયાત્રા બપોરે ૨-૦૦ કલાકે ડંકા નિશાન સાથે જશોનાથ સર્કલ થી મોતીબાગ ટાઉન હોલ શુભ સ્થળે આવશે.તા.૦૯-૦૯-૨૦૨૩ ના રોજ સાંજે ૪ થી ૮ દરમ્યાન આપશ્રી દ્વારા શ્રી યમુનાજી પ્રાકટ્ય મનોરથ કરવામાં આવશે. તા.૧૦-૦૯-૨૦૨૩ ના રોજ રાત્રીના ૯-૦૦ કલાકે ભાવનગરના સુપ્રસિધ્ધ કીર્તનકાર શ્રી સૌરભભાઈ શાહ તથા તેમની ટીમ દ્વારા શ્રી વલ્લભસાખી રજુ કરવામાં આવશે.વિશેષમાં ત્રિ-દિવસીય પુષ્ટિમાર્ગીય મનોરથમાં શ્રીમદ્ વલ્લભાચાર્ય શ્રી મહાપ્રભુજી ના ૮૪ બેઠકજી તથા શ્રી યમુના મહારાણીના લોટીજીના સુંદર દર્શનનો અલૌકિક લાભ મળશે.સાથોસાથ જે વૈષ્ણવ એ બ્રહ્મસંબંધ દીક્ષા તથા ઠાકોરજી સેવ્ય કરાવવા હોઈ તેઓએ ભાવેશભાઈ વોરા મો.૯૪૨૮૪૩૧૪૦૯ નો સંપર્ક કરવો. આ ત્રિ-દિવસીય કાર્યક્રમને લઇ વૈષ્ણવોમાં અનેરો ઉત્સાહ છે અને લોકો તરફથી અતિ સુંદર પ્રતિસાદ મળી રહ્યો છે.શ્રી ભાવનગર મોઢ વણિક સમાજ દ્વારા વૈષ્ણવોને પધારવા ભાવભર્યું નિમંત્રણ છે.