LSG Vs MI: જીતનો હીરો, સ્ટોઈનીસ પણ બન્યો મોહસીન ખાનનો ફેન, બોલરે આ રીતે બતાવ્યું મોટું દિલ

ઈન્ડિયન પ્રીમિયર લીગ સીઝન 16માં મંગળવારે મોડી રાત્રે લખનૌ સુપર જાયન્ટ્સ અને મુંબઈ ઈન્ડિયન્સ વચ્ચે મુકાબલો થયો હતો. ખૂબ જ રોમાંચક મેચમાં લખનૌ સુપર જાયન્ટ્સે મુંબઈ ઈન્ડિયન્સને 5 રનથી હરાવ્યું હતું. લખનૌની જીતનો હીરો સ્ટાર ઓલરાઉન્ડર સ્ટોઇનિસ હતો, જેણે 89 રનની ધમાકેદાર ઇનિંગ રમી હતી. સ્ટોઇનિસને પ્લેયર ઓફ ધ મેચ તરીકે પસંદ થયા બાદ લખનૌની જીત ગણાવી હતી.

સ્ટોઇનિસે જીત બાદ ઝડપી બોલર મોહસિન ખાનના વખાણ કર્યા હતા. સ્ટોઇનિસે કહ્યું, “એક ટીમ તરીકે અમારા માટે આ ખૂબ જ ખાસ ક્ષણ છે. મોહસિન માટે આ તેના જીવનની સૌથી મોટી ક્ષણોમાંથી એક છે. મોહસીન કેટલા સમયથી ક્રિકેટ રમ્યો ન હતો. ઈજાગ્રસ્ત હોવા છતાં મોહસિને છેલ્લી ઓવરમાં બોલિંગ કરી હતી.

સ્ટોઇનિસે વધુમાં કહ્યું, “તે ખૂબ જ નજીકની રમત હતી. મેચ દરમિયાન ઘણું બધું હતું જે અમારા પક્ષમાં નહોતું રહ્યું. પરંતુ મોહસિને શાનદાર બોલિંગ કરી અને અમને જીત અપાવી. અમે એક ટીમ તરીકે અમારી જાતને સાબિત કરી છે. અમારી પાસે કોઈ મોટો સુપરસ્ટાર નથી. જુદા જુદા ખેલાડીઓ પ્રદર્શન કરી ટીમને આગળ લઈ જઈ રહ્યા છે. અમે રાહુલને મિસ કરી રહ્યા છીએ. પરંતુ કૃણાલે પણ સારી કેપ્ટનશીપ કરી છે.

પ્લેઓફનો રસ્તો સરળ બની ગયો

તમને જણાવી દઈએ કે પ્રથમ બેટિંગ કરતા લખનૌએ મુંબઈ ઈન્ડિયન્સ સામે જીતવા માટે 20 ઓવરમાં 178 રનનો ટાર્ગેટ આપ્યો હતો. મુંબઈ ઈન્ડિયન્સ 20 ઓવરમાં પાંચ વિકેટ ગુમાવીને માત્ર 172 રન જ બનાવી શકી હતી અને લખનૌ પાંચ રનથી જીતી ગયું હતું. આ જીત સાથે લખનૌ સુપર જાયન્ટ્સની પ્લેઓફમાં રમવાની શક્યતાઓ પણ વધી ગઈ છે.

હાલમાં લખનૌની ટીમ 15 પોઈન્ટ સાથે પોઈન્ટ ટેબલમાં ત્રીજા સ્થાને છે. જો લખનૌ તેની છેલ્લી મેચ જીતવામાં સફળ થાય છે, તો તેનું પ્લેઓફ સ્થાન કન્ફર્મ ગણી શકાય.