27 સપ્ટેમ્બરથી બંધારણીય બેંચ સમક્ષ સુનાવણીનું લાઈવ સ્ટ્રીમિંગ યુટ્યુબ પરથી પ્રસારિત કરવામાં આવશે

નવી પહેલમાં, સુપ્રીમ કોર્ટે 27 સપ્ટેમ્બરથી બંધારણીય બેંચના કેસોનું લાઇવ સ્ટ્રીમિંગ શરૂ કરવાનો નિર્ણય લીધો છે. મંગળવારે સાંજે ચીફ જસ્ટિસ ઑફ ઈન્ડિયા (CJI) UU લલિત દ્વારા બોલાવવામાં આવેલી ફુલ કોર્ટની બેઠકમાં આ નિર્ણય લેવામાં આવ્યો હતો. પ્રાપ્ત માહિતી અનુસાર, આ નિર્ણય સર્વસંમતિથી લેવામાં આવ્યો છે. એવું પણ જાણવા મળ્યું છે કે શરૂઆતમાં સુનાવણીનું YouTube દ્વારા લાઈવ ટેલિકાસ્ટ કરવામાં આવશે.

સુપ્રીમ કોર્ટ ટૂંક સમયમાં એક નવું પ્લેટફોર્મ તૈયાર કરશે

ટૂંક સમયમાં સુપ્રીમ કોર્ટ કાર્યવાહીના જીવંત પ્રસારણ માટે પોતાનું પ્લેટફોર્મ વિકસાવશે. સુપ્રીમ કોર્ટનો આ નિર્ણય એવા સમયે આવ્યો છે જ્યારે બંધારણીય બેંચ સમક્ષ અનેક મહત્વપૂર્ણ મામલાઓની સુનાવણી ચાલી રહી છે. આમાં આર્થિક રીતે નબળા વિભાગ (EWS) માટે 10% અનામતની બંધારણીય માન્યતા, ભોપાલ ગેસ દુર્ઘટનામાં વળતરની પર્યાપ્તતા, બોહરા સમુદાયને બાકાત રાખવાનો અધિકાર શામેલ છે.