શું તમે ખાધું છે અમરફળ ? આંખોની રોશની વધારવાની સાથે બીજા ઘણા ફાયદા છે

સ્વસ્થ રહેવા માટે આહારમાં ફળો હોવા ખૂબ જ જરૂરી છે, આ વાત તમે ઘણી વાર વાંચી અને સાંભળી હશે. બજારમાં અનેક પ્રકારના ફળો મળે છે. કેટલાક ભારતમાં ઉત્પન્ન થાય છે અને કેટલાક વિદેશી ફળોએ પણ લોકોના રસોડામાં સ્થાન બનાવ્યું છે. આવું જ એક ફળ છે અમરફળ જેને અંગ્રેજીમાં Persimmon (પરસિમન) પણ કહે છે. આ ફળ ચીનનું છે. હવે ભારતમાં પણ તેની લોકપ્રિયતા વધી રહી છે. જો તમે હજુ સુધી આ ફળ ખાધું નથી, તો અચૂક ટ્રાય કરો. તે માત્ર સ્વાદિષ્ટ જ નથી, પરંતુ તેમાં પોષક મૂલ્ય પણ ઘણું છે. અહીં જાણો અમરફળ ખાવાના શું ફાયદા છે.

નેચરલ મલ્ટિવિટામિન

અમરફળમાં વિટામિન એ જોવા મળે છે, જે તમારી આંખો માટે સારું છે. આ સિવાય તેમાં વિટામિન સી પણ હોય છે જે તમારી રોગપ્રતિકારક શક્તિને મજબૂત રાખે છે. વિટામીન E, K અને B1 ઉપરાંત B2, B6 ફોલેટ, પોટેશિયમ, કોપર, મેંગેનીઝ, મેગ્નેશિયમ અને ફોસ્ફરસ પણ પર્સિમોનમાં જોવા મળે છે. એકંદરે, તમે તેને કુદરતી મલ્ટીવિટામીન તરીકે ગણી શકો છો.

વજન ઘટાડવા માટે સારું

જો તમે વજન ઓછું કરવા માંગતા હોવ તો પણ આ ફળ તમારા માટે સારું છે. તેમાં ફાઈબર ભરપૂર માત્રામાં જોવા મળે છે. આ ખાધા પછી તમને જલ્દી ભૂખ નહિ લાગે. ફાઈબર્સ તમારી પાચન તંત્ર માટે પણ સારા છે.

એન્ટીઑકિસડન્ટો ભરપૂર

અમરફળમાં શક્તિશાળી એન્ટીઓક્સીડેન્ટ હોય છે. એન્ટિઓક્સિડન્ટ્સ તમને સ્વસ્થ રાખે છે અને તમને ઘણી મોટી બીમારીઓથી બચાવે છે. આ સિવાય તેઓ ડીએનએ ડેમેજ અટકાવે છે, જેના કારણે ઉંમર વધવાના સંકેતો જલ્દી દેખાતા નથી.

હૃદય માટે શ્રેષ્ઠ

અમરફળમાં ફ્લેવોનોઈડ્સ અને ક્વેર્સેટીન જેવા એન્ટીઓક્સીડેન્ટ હોય છે. ઘણા અભ્યાસોમાં એ વાત સામે આવી છે કે ફ્લેવોનોઈડ હૃદયને સ્વસ્થ રાખે છે.