બુધવારે વડાપ્રધાન નરેન્દ્ર મોદી ભાવનગરમાં ; જાહેરસભાને સંબોધશે

કુવાડિયા

ઉમેદવારો સાથે ભાજપ સંગઠન દ્વારા ભારે તૈયારીઓ શરૂ, પૂર્વ, પશ્ચિમ અને ગ્રામ્યના ઉમેદવારની જીત નિશ્ચિત કરવા પશ્ચિમ મત વિસ્તારમાં વડાપ્રધાન કરશે જન સભા

વડાપ્રધાન મોદી ચૂંટણી જાહેર થયા બાદ ટૂંકા ગાળામાં બીજી વખત આગામી ૨૩મીએ ભાવનગર આવી રહ્યા છે. વિધાનસભાની ચૂંટણીમાં ભાવનગર જિલ્લામાં ખાસ કરીને ભાવનગર શહેરની પૂર્વ અને પશ્ચિમ વિધાનસભા બેઠક રાજકીય પક્ષો માટે મહત્વની હોય તે રીતે સભા સરઘસોના આયોજનો થઈ રહ્યા છે. ભાવનગર ખાતે આગામી ૨૩મીના રોજ વડાપ્રધાન નરેન્દ્ર મોદીની જાહેર સભા પશ્ચિમ મત વિસ્તારના ચિત્રા સ્વામિનારાયણ મંદિરના ગ્રાઉન્ડમાં યોજાશે જિલ્લા સાથે જોડાયેલ વિધાનસભા બેઠકોની ચૂંટણી માટે વડાપ્રધાન શ્રી નરેન્દ્ર મોદી બુધવારે ભાજપ ઉમેદવારોની પ્રચારસભા યોજશે. ભાવનગરની આ સભા માટે ઉમેદવારો સાથે શહેર અને જિલ્લા સંગઠન દ્વારા ભારે તૈયારી થઈ છે. ભાવનગર જિલ્લા ભાજપ અધ્યક્ષ શ્રી મૂકેશ લંગાળિયાએ આપેલ વિગત મૂજબ આગામી વિધાનસભા ચૂંટણી માટે સંગઠન દ્વારા ભારે તૈયારીઓ થઈ છે, જેમાં વડાપ્રધાન શ્રી નરેન્દ્ર મોદી આગામી બુધવારે સાંજે ૬ વાગે ચિત્રા ભાવનગર ખાતે આવી રહ્યા છે.ભાવનગર શહેર સહિત જિલ્લા સંબંધિત બેઠકોના ભાજપ ઉમેદવારોના પ્રચાર અર્થે ભાજપના રાષ્ટ્રીય નેતાઓ સમગ્ર પંથકમાં જોડાયા છે, જે પ્રચાર અભિયાનમાં ગુજરાતનું ગૌરવ અને વડાપ્રધાનપદ શોભાવતા શ્રી નરેન્દ્ર મોદી બુધવારે ભાવનગરમાં જનસભાને સંબોધન કરી રાજ્યના હિત માટે ભાજપના ઉમેદવારોને વિજયી બનાવવા હાકલ કરશે. આ સાથે કેન્દ્રીય મંત્રી શ્રી મનસુખભાઈ માંડવિયા અને રાજ્યકક્ષાના હોદ્દેદારોની ઉપસ્થિતિમાં યોજાનાર આ સભા માટે તમામ વિધાનસભા વાર સંગઠન હોદ્દેદારો અને એક એક કાર્યકરો તૈયારીમાં રહ્યા છે અને ભાજપને પ્રચંડ જનસમર્થન મળી રહેલ છે.