ડાયાબિટીસના દર્દીઓએ આ સમયે ન કરવો જોઈએ નાસ્તો, જાણો નાસ્તો કરવાનો શ્રેષ્ઠ સમય

ઘણીવાર તમે સાંભળ્યું હશે કે નાસ્તો એ દિવસનું સૌથી મહત્વપૂર્ણ ભોજન છે. જે લોકો સમયસર હેલ્ધી બ્રેકફાસ્ટ કરે છે, તેઓ ફિટ રહે છે. વાસ્તવમાં, સવારે નાસ્તો કરવાથી તમારા બ્લડ સુગરનું સ્તર નિયંત્રિત થાય છે. ખાસ કરીને ડાયાબિટીસના દર્દીઓએ આનું સંપૂર્ણ ધ્યાન રાખવું જોઈએ અને નાસ્તો ક્યારેય છોડવો જોઈએ નહીં. બ્લડ શુગર લેવલને કંટ્રોલમાં રાખવા માટે દરેક ભોજન ખૂબ જ જરૂરી છે.

ઘણા રિસર્ચમાં સામે આવ્યું છે કે જેઓ ડાયાબિટીસના દર્દીઓ છે તેમણે સમયસર નાસ્તો કરવો જોઈએ. તેનાથી શુગર લેવલ કંટ્રોલમાં રહે છે. જોકે નાસ્તો યોગ્ય સમયે લેવો ખૂબ જ જરૂરી છે. જો તમે યોગ્ય સમયે નાસ્તો ન કરો તો તે તમારા ગ્લુકોઝના સ્તરને અસર કરે છે. ડાયાબિટીસ એ એક રોગ છે જેમાં સ્વાદુપિંડમાં ઇન્સ્યુલિનની ઉણપ હોય છે. જેના કારણે લોહીમાં ગ્લુકોઝનું પ્રમાણ પણ વધે છે. તેથી બ્લડ શુગર લેવલને કંટ્રોલમાં રાખવું જરૂરી છે.

નિષ્ણાતોના મતે, ડાયાબિટીસથી પીડિત લોકોએ સવારે સૌથી પહેલા નાસ્તો કરવા માટે ઉતાવળ કરવી જોઈએ નહીં કારણ કે આ તે સમય છે જ્યારે તમારા શરીરમાં બ્લડ સુગરનું સ્તર કુદરતી રીતે વધારે હોય છે. જો તમે જાગ્યા પછી તરત જ નાસ્તો કરો છો, તો તમારા માટે દિવસભર સુગર લેવલને નિયંત્રિત કરવું મુશ્કેલ બની જાય છે.

વાસ્તવમાં, સવારે તમારા શરીરમાં કોર્ટિસોલ અને ગ્રોથ હોર્મોન્સ રિલિઝ થાય છે, જેના કારણે તમારા શરીરનું બ્લડ શુગર લેવલ વધારે રહે છે. આ દરમિયાન સવારનો નાસ્તો કરવાથી બ્લડ શુગર લેવલ પહેલાથી જ વધી જાય છે. જેના કારણે દિવસભર બ્લડ શુગર લેવલને કંટ્રોલ કરવામાં મુશ્કેલી પડે છે.

ડાયાબિટીસના દર્દીઓ માટે નાસ્તો કરવાનો શ્રેષ્ઠ સમય કયો છે?
ડાયાબિટીસના દર્દીઓ માટે સવારે ઉઠ્યાના એક કે બે કલાક પછી નાસ્તો કરવો શ્રેષ્ઠ છે. આ સમયે નાસ્તો કરવાથી શરીરમાં કોર્ટિસોલ અને ગ્લુકોગન જેવા હોર્મોન્સ બહાર નીકળતા ઘણો સમય પસાર થઈ જાય છે, જેના કારણે બ્લડ શુગર લેવલ કંટ્રોલમાં રહે છે.

ડાયાબિટીસના દર્દીઓએ નાસ્તામાં આ વસ્તુઓનો સમાવેશ કરવો જોઈએ

• ફળો
• સ્પ્રાઉટ્સ
• ઓટ્સ
• શાક અથવા બેસન ચિલ્લા
• બાજરી ઉપમા