સિહોર નગરપાલિકાનો સ્નેહ મિલન કાર્યક્રમ યોજાયો : મહાનુભાવોએ નવા વર્ષની શુભેચ્છાઓ પાઠવી

પવાર

સિહોર નગરપાલિકા દ્વારા નૂતન વર્ષનો સ્નેહમિલન કાર્યક્રમ યોજવામાં આવ્યો હતો. નગરપાલિકા અટલ ભવન ખાતે નગરપાલિકા પ્રમુખ વિક્રમભાઈ નકુમ, વિપક્ષ નેતા કિરણભાઈ ઘેલડા, મુકેશભાઈ જાનીની ઉપસ્થિતમાં આ કાર્યક્રમ યોજાયો હતો. કારતક સુદ એકમ એટલે કે હિન્દુ નૂતનવષનો પ્રારંભે સમાજના પ્રત્યેક વર્ગના લોકો માટે આજનો દિવસ ખાસ હોય છે. દરેક વ્યક્તિઓ માટે આ નવું વર્ષ સર્વેસુખાકારી શ્રેષ્ઠ આરોગ્ય અને પ્રત્યેક તબ્બક્કે પ્રગતિકારક રહે એ માટે એકબીજાને શુભેચ્છાઓ પાઠવવામાં આવે છે.

વિક્રમભાઈ નકુમેએ જણાવ્યું કે, સમગ્ર સિહોરના લોકોની આશાઓ અને અપેક્ષા પુરી થાય તેવી પ્રાથના કરૂ છું. તેમજ બધાની મનોકામના પુરી થાય તેવી મારા તરફથી તેમજ ચૂંટાયેલા તમામ સભ્યો તરફથી સિહોરવાસીઓના લોકોને ખુબ ખુબ શુભકામનાઓ સિહોર નગરપાલિકા ખાતે સ્નેહ મિલન કાર્યકમમાં વિક્રમભાઈ નકુમ, વિપક્ષ નેતા કિરણભાઈ ઘેલડા, મુકેશભાઈ જાની સહિત નગરસેવકો પદાધિકારીઓ શહેરીજનો, અધિકારીઓ-પદાધિકારીઓ, પ્રભુદ્ધ નાગરિકો સહિતના મહાનુભાવો ઉપસ્થિત રહી નવા વર્ષની શુભેચ્છાઓ પાઠવી હતી.