Bharat Jodo Yatra: રાહુલ ગાંધીએ 41માં દિવસે આંધ્ર પ્રદેશના કુર્નૂલથી તેમની પદયાત્રા શરૂ કરી હતી, જેમાં ઘણા કાર્યકરો સામેલ થયા હતા

ભારત જોડો યાત્રા એક દિવસના વિશ્રામ બાદ આજથી ફરી ભારત જોડો યાત્રાનો પ્રારંભ કરવામાં આવ્યો હતો. કોંગ્રેસ સાંસદ રાહુલ ગાંધીએ 41માં દિવસે આંધ્ર પ્રદેશના કુર્નૂલથી ભારત જોડો યાત્રાની શરૂઆત કરી હતી.આ દરમિયાન સેંકડો કાર્યકરો તેમની સાથે ચાલી રહ્યા છે. કોંગ્રેસ પાર્ટીની ભારત જોડી યાત્રા તામિલનાડુના કન્યાકુમારીથી શરૂ થઈ હતી, જે જમ્મુ-કાશ્મીરમાં પૂરી થશે.

તે જ સમયે, કોંગ્રેસના પ્રમુખની ચૂંટણી માટે સોમવારે મતદાન થયું હતું. આ દરમિયાન કોંગ્રેસ સાંસદ અને ગોવાના પૂર્વ મુખ્યમંત્રી ફ્રાન્સિસ્કો સરદિન્હાએ ભારત જોડો યાત્રાને લઈને રાહુલ ગાંધીને અપીલ કરી હતી.

ફ્રાન્સિસ્કોએ ભારત જોડો યાત્રાને સમર્થન આપ્યું ન હતું અને કહ્યું હતું કે રાહુલ ગાંધીએ ભારત જોડો યાત્રા બંધ કરવી જોઈએ અને આગામી સમયમાં જ્યાં ચૂંટણી યોજાવા જઈ રહી છે તેવા ગુજરાત અને હિમાચલ પ્રદેશમાં જઈને પાર્ટીનો પ્રચાર કરવો જોઈએ.

ભારત જોડો યાત્રા 7 સપ્ટેમ્બરથી શરૂ થઈ હતી

કોંગ્રેસની ભારત જોડો યાત્રા 7 સપ્ટેમ્બરે કન્યાકુમારીથી શરૂ થઈ હતી. આ યાત્રા જમ્મુ-કાશ્મીરના શ્રીનગરમાં સમાપ્ત થશે. આ દરમિયાન કોંગ્રેસના કાર્યકરો 12 રાજ્યો અને કેન્દ્રશાસિત પ્રદેશોમાંથી પસાર થશે અને કુલ 3750 કિમીની યાત્રા પૂર્ણ કરશે.