NCBનો કમાલ! ઇસરોની સેટેલાઇટ ઇમેજની મદદથી ડ્રગ માફિયાની પ્રોપર્ટીને કરી ટ્રેક, જાણો સમગ્ર મામલો

નાર્કોટિક્સ કંટ્રોલ બ્યુરો (NCB) એ ડ્રગ માફિયા દ્વારા હસ્તગત કરેલી મિલકતને ટ્રેક કરવા માટે ISRO સેટેલાઇટ ઇમેજનો ઉપયોગ કર્યો છે. દેવભૂમિ દ્વારકાના જોડિયા ગામમાં NCBએ પ્રથમ વખત ડ્રગ માફિયાની મિલકતનો તાગ મેળવવા માટે આ ટેકનિકનો ઉપયોગ કર્યો છે. વાસ્તવમાં નવેમ્બર 2021માં રૂ. 600 કરોડના મોરબી ડ્રગ્સ હેલના મુખ્ય આરોપી ઈસા રાવે ગેરકાયદેસર વેપારમાંથી કમાણી કરી હોવાનું સ્થાપિત કરવાનો પ્રયાસ કરવામાં આવ્યો હતો.

TOI અનુસાર, ઈસા રાવના ઘર સંબંધિત પુરાવા મળ્યા બાદ, મંગળવારે તેમની સંપત્તિ હસ્તગત કરવા માટે જપ્તીનો આદેશ જારી કરવામાં આવ્યો છે. રાવનું ઘર બનાવવાનો ખર્ચ 57 લાખ રૂપિયા હતો. આ કેસની માહિતી આપતાં એનસીબીના એક વરિષ્ઠ અધિકારીએ જણાવ્યું કે રાવે પોતાની મિલકતમાં વધારા અંગે સ્થાનિક પંચાયતને કોઈ દસ્તાવેજ જમા કરાવ્યા નથી. તેથી અમે ઇસરોની એડવાન્સ્ડ ડેટા પ્રોસેસિંગ રિસર્ચ ઇન્સ્ટિટ્યૂટની મદદ લેવાનું નક્કી કર્યું કે તેણે જોડિયામાં તેની મિલકત કેવી રીતે વિકસાવી અને ત્રણ માળનું મકાન બનાવ્યું.

એનસીબીના અધિકારીએ વધુમાં જણાવ્યું હતું કે એનસીબીએ વર્ષ 2019 અને નવેમ્બર 2022 વચ્ચે રાવ દ્વારા મિલકતમાં કરાયેલા ફેરફારો પર નજર રાખી હતી. જેથી જમીનના પ્લોટ પર મોટો બંગલો કેવી રીતે બનાવવામાં આવ્યો તે સ્થાપિત કરી શકાય. તે કથિત રીતે સક્રિય રીતે તેનો ગેરકાયદેસર ધંધો ચલાવતો હતો. તેમણે કહ્યું કે એનસીબીએ રાવની પ્રોપર્ટીના ફોટોગ્રાફ્સની ચકાસણી માટે ગૂગલ અર્થનો પણ ઉપયોગ કર્યો હતો.

15 નવેમ્બર, 2021 ના ​​રોજ, ગુજરાત ATS દ્વારા મોરબીમાં નિર્માણાધીન મકાનમાંથી રૂ. 600 કરોડની કિંમતનું 120 કિલો હેરોઈન જપ્ત કર્યા બાદ રાવ ફરાર થઈ ગયો હતો. આ કન્સાઇનમેન્ટ ગુજરાતના દરિયાકાંઠેથી ભારતમાં દાણચોરી કરવામાં આવ્યું હતું. આ કેસમાં ત્રણ લોકોની ધરપકડ કરવામાં આવી હતી. વધુ તપાસ પર, રૂ. 776.5 કરોડની કિંમતનું 155.3 કિલો હેરોઈન જપ્ત કરવામાં આવ્યું હતું અને નાઈજિરિયન નાગરિક સહિત 14 લોકોની ધરપકડ કરવામાં આવી હતી. રાવ પણ આ કેસમાં કથિત રીતે સામેલ હતા.