ભાવનગર પશ્ચિમના ભાજપના ઉમેદવાર જીતુ વાઘાણીનો ઝંઝાવતી પ્રચાર

મિલન કુવાડિયા

• ભવ્ય બાઈક રેલી યોજી પ્રચારનો કર્યો પ્રારંભ : ૧૦૦૦ કરતા વધુ બાઈકો પર સવાર પુરુષ-મહિલા કાર્યકરો-સમર્થકો રેલીમાં જોડાયા, મોદીજી નું માસ્ક પહેરલા કાર્યકરે જમાવ્યું અનેરું આકર્ષણ.

ભાવનગર પશ્ચિમ વિધાનસભા બેઠકના ભાજપના ઉમેદવાર જીતુ વાઘાણીએ આજે પોતાના મતવિસ્તારમાં ભવ્ય બાઈક રેલી યોજી પોતાના ઝંઝાવતી મત પ્રચારનો પ્રારંભ કર્યો હતો. ૧૦૦૦ જેટલી બાઈકો સાથે શહેરના પશ્ચિમ વિસ્તારમાં જીતુ વાઘાણીની ભવ્ય રેલી પ્રચારમાં નીકળી હતી. જયારે લોકોનો ભવ્ય પ્રતિસાદ જીતુ વાઘાણીને મળી રહ્યો હોય લોકોએ તેમના ઉમેદવારનો તિલક-પુષ્પહારથી સ્વાગત કર્યું હતું. જયારે આ રેલીમાં મોદીજી નું માસ્ક પહેરી રેલીમાં જોડાયેલા કાર્યકરે અનેરું આકર્ષણ જમાવ્યું હતું.રાજ્યમાં વિધાનસભા ચુંટણીમાં મતદાનને હવે માત્ર ૧૧ દિવસ બાકી છે

ત્યારે ઉમેદવારો પોતાના પ્રચારમાં જોડાયા છે ત્યારે ભાવનગર પશ્ચિમ વિધાનસભા બેઠકના ભાજપના ઉમેદવાર જીતુ વાઘાણીએ આજે તેના ઝંઝાવતી પ્રચારનો પ્રારંભ કરતા ભવ્ય બાઈક રેલી યોજી હતી. ૧૦૦૦ જેટલા બાઈક સવારો સાથેની રેલીમાં મોટી સંખ્યામાં કાર્યકરો અને સમર્થકો જોડાયા હતા.બે ટર્મ થી આ વિસ્તારનું પ્રતિનિધત્વ કરતા જીતુ વાઘાણીને ભવ્ય જનસમર્થન મળી રહ્યું છે અને તેના ઉમેદવારને આવકારવા લોકો માર્ગો પર ઉભા રહી જઈ તેમની તિલક-પુષ્પહાર વડે સ્વાગત કરી રહ્યા છે.

તેમની રેલીમાં મોદીજી ના માસ્ક સાથે જોડાયેલા કાર્યકરે અનેરું આકર્ષણ જમાવ્યું હતું જયારે અનેક માર્ગો પર તેમના ઉમેદવારને આવકારવા એટલી ભીડ ઉમટી પડી હતી કે લોકોને ઉભા રહેવાની પણ જગ્યા મળવી મુશ્કેલ હતી ત્યારે આ બાઈક રેલી દરમ્યાન અમારા સંવાદદાતાએ તેમની સાથે ખાસ વાત કરી હતી જેમાં તેમણે તેમના પશ્ચિમ વિસ્તારમાં કરેલા વિકાસના કામો અને ખાસ પછાત વિસ્તારમાં પાયાની સુવિધા તેમની વચ્ચે રહી પૂરી પડી છે જેનું આ પરિણામ અને આશીર્વાદ છે અને આ આશીર્વાદ જે તેને ફરી જીત અપાવશે તેવો વિશ્વાસ વ્યક્ત કર્યો હતો.