OTT Platform પર આંવી અક્ષય કુમારની રામ સેતુ..જોવા માટે ખરચવા પડશે અટલા પૈસા

અક્ષય કુમારની ફિલ્મ રામ સેતુ OTT પ્લેટફોર્મ પ્રાઇમ વીડિયો પર આવી ગઈ છે. હાલમાં તે ભાડા યોજના હેઠળ ઉપલબ્ધ છે. આ ફિલ્મ દિવાળી પર સિનેમાઘરોમાં રિલીઝ થઈ હતી. અભિષેક શર્મા દ્વારા નિર્દેશિત રામ સેતુ તેના અસ્તિત્વ સાથે જોડાયેલી છે. આ ફિલ્મમાં જેકલીન ફર્નાન્ડીઝ અને નુસરત ભરૂચા મુખ્ય ભૂમિકામાં છે. સાઉથ સિનેમાના ફેમસ એક્ટર સત્યદેવ પણ મહત્વના રોલમાં છે.

આ કાલ્પનિક સાહસિક ફિલ્મમાં, અક્ષય એક નાસ્તિક પુરાતત્વવિદ્ની ભૂમિકા ભજવે છે જે રામ સેતુ વિશે સત્યને ઉજાગર કરવા માટે નીકળે છે. જોકે, ફિલ્મમાં ઘણા વધુ રસપ્રદ ટ્વિસ્ટ છે. રામ સેતુ બોક્સ ઓફિસ પર સફળ રહી ન હતી, પરંતુ OTT પર આવવાથી ફિલ્મની વ્યુઅરશિપ વધી શકે છે.

જોકે, ફિલ્મ હજુ ફ્રી નથી. પ્રાઇમ વિડિયો સબસ્ક્રાઇબર્સને રામ સેતુ જોવા માટે 199 રૂપિયાનું ભાડું પણ ચૂકવવું પડશે. સબ્સ્ક્રાઇબર્સ માટે થોડા સમય માટે ફિલ્મ ફ્રી કરવામાં આવશે. 148 મિનિટની આ ફિલ્મને IMDb પર 5.3 રેટિંગ મળ્યું છે. આ ફિલ્મ હિન્દીની સાથે તમિલ અને તેલુગુમાં પણ ઉપલબ્ધ છે. સાથે જ અંગ્રેજી સબટાઈટલ પણ આપવામાં આવ્યા છે.