કોણ છે ભારતીય મૂળના અમેરિકન નાગરિક અજય બંગા, જે બનશે વર્લ્ડ બેંકના નવા વડા

માસ્ટરકાર્ડના ભૂતપૂર્વ CEO અજય બંગા વિશ્વ બેંકના નવા બોસ હશે. ડેવિડ માલપાસે રાજીનામું આપવાની ઓફર કર્યા બાદ યુએસ પ્રમુખ બિડેન દ્વારા તેમને આ પદ માટે નામાંકિત કરવામાં આવ્યા છે. બિડેને કહ્યું કે વર્તમાન ભૌગોલિક રાજકીય પરિસ્થિતિને જોતાં ભારતીય-અમેરિકન અજય બંગા વૈશ્વિક સંસ્થાનું નેતૃત્વ કરવા માટે આદર્શ પસંદગી છે. બંગા હાલમાં જનરલ એટલાન્ટિકના વાઇસ પ્રેસિડેન્ટ તરીકે સેવા આપે છે.

અજય બંગાની અત્યાર સુધીની શાનદાર કારકિર્દી રહી છે. ત્રણ દાયકા કરતાં વધુ સમયથી, તેમણે સફળ બિઝનેસ લીડર અને ઉદ્યોગસાહસિકની ભૂમિકાઓ નિભાવી છે. તેમણે કંપનીઓના નિર્માણ અને સંચાલનમાં લાંબો સમય વિતાવ્યો છે. ચાલો તેમની જીવન યાત્રા પર એક નજર કરીએ.

કોણ છે અજય બંગા?
અજય બંગા, 63, ભારતીય-અમેરિકન નાગરિક છે. અજય બંગાના પિતાનું નામ હરભજન સિંહ બંગા છે. તેઓ ભારતીય સેનાના લેફ્ટનન્ટ જનરલ તરીકે નિવૃત્ત થયા. તેમના પરિવારના મૂળ પંજાબના જાલંધરથી છે. અજય બંગા પુણે, મહારાષ્ટ્રમાં ઉછર્યા હતા, જ્યાં તેમના પિતા પોસ્ટેડ હતા. અજય બંગાએ દિલ્હી યુનિવર્સિટીની સેન્ટ સ્ટીફન્સ કોલેજમાંથી અર્થશાસ્ત્રમાં ગ્રેજ્યુએશન કર્યું છે. તેમણે આગળનું શિક્ષણ ઇન્ડિયન ઇન્સ્ટિટ્યૂટ ઑફ મેનેજમેન્ટ, અમદાવાદમાંથી પૂર્ણ કર્યું.

અજય બંગા માસ્ટરકાર્ડના CEO રહી ચૂક્યા છે
અજય બંગા ઓગસ્ટ 2009માં માસ્ટરકાર્ડમાં પ્રમુખ અને ચીફ ઓપરેટિંગ ઓફિસર તરીકે જોડાયા હતા. ત્યારપછી એપ્રિલ 2010માં માસ્ટરકાર્ડના સીઈઓ તરીકે તેમને નિયુક્ત કરવામાં આવ્યા હતા. જ્યારે, 1996માં સિટીગ્રુપમાં જોડાતા પહેલા બંગાએ નેસ્લે ઈન્ડિયા સાથે 13 વર્ષ કામ કર્યું હતું અને બે વર્ષ પેપ્સિકો સાથે પણ કામ કર્યું હતું. પેપ્સિકોમાં, બાંગા એશિયા-પેસિફિક ક્ષેત્રના CEO સહિત વિવિધ હોદ્દા પર હતા.

બંગાની કારકિર્દી કંઈક આવી હતી

• તેમણે નેસ્લે ઈન્ડિયામાં 13 વર્ષ અને પેપ્સિકોમાં બે વર્ષ વિતાવ્યા.
• 1996માં તેઓ સિટીગ્રુપમાં જોડાયા, જ્યાં તેમણે CEO તરીકે એશિયા-પેસિફિક ક્ષેત્રનું નેતૃત્વ કર્યું.
• એપ્રિલ 2010 માં, માસ્ટરકાર્ડે જાહેરાત કરી હતી કે અજય બંગા ચેરમેન અને સીઈઓ તરીકે પેઢીનું નેતૃત્વ કરશે. તેણે 12 વર્ષ સુધી માસ્ટરકાર્ડનું સુકાન સંભાળ્યું. તેમણે એ લોકોને ડિજિટલ ઈકોનોમીમાં સામેલ કર્યા, જેઓ અત્યાર સુધી તેનાથી વંચિત હતા.
• કોવિડ રોગચાળા દરમિયાન, તેમણે 19,000 કર્મચારીઓની છટણી ટાળી હતી. તેમના કાર્યકાળ દરમિયાન પેઢીના નેટવર્ક પર ખરીદી બમણી કરતા પણ વધુ થઈ. તે સમય દરમિયાન આવક અને કમાણી લગભગ ત્રણ ગણી વધી.
• તેમણે ડર્બિન સુધારા પર નિયમનકારો અને ધારાશાસ્ત્રીઓ સાથે વાટાઘાટો કરી. જેના કારણે વેપારીઓને ઘણી રાહત થઈ હતી.
• તેમણે આબોહવા, લિંગ અસમાનતા અને કૃષિ જેવા ક્ષેત્રોમાં પણ ઘણા સુધારા કર્યા.
• 2021 માં માસ્ટરકાર્ડમાંથી નિવૃત્ત થવા છતાં, બંગાએ ખાનગી ઇક્વિટી ફર્મ જનરલ એટલાન્ટિકમાં જોડાવાનું પસંદ કર્યું. અહીં તેમની ભૂમિકા વાઇસ ચેરમેનની હતી.
• તેમણે યુએસ વાઇસ પ્રેસિડેન્ટ કમલા હેરિસ સાથે મધ્ય અમેરિકા માટે ભાગીદારીના સહ-અધ્યક્ષ તરીકે સેવા આપી હતી.
• યુ.એસ.માં ત્રિપક્ષીય કમિશનના સભ્ય હતા.
• યુએસ-ઈન્ડિયા સ્ટ્રેટેજિક પાર્ટનરશિપ ફોરમના સ્થાપક ટ્રસ્ટી તરીકે સેવા આપી હતી.
• યુએસ-ચીન સંબંધો પર રાષ્ટ્રીય સમિતિના ભૂતપૂર્વ સભ્ય.
• અમેરિકન ઈન્ડિયા ફાઉન્ડેશનના પ્રમુખ. 2020-2022 સુધી તેના પ્રમુખ તરીકે સેવા આપ્યા પછી ઇન્ટરનેશનલ ચેમ્બર ઓફ કોમર્સના માનદ પ્રમુખ.
• ભૂતપૂર્વ યુએસ પ્રમુખ ઓબામા સાથે કામ કરવાનો અનુભવ. ઓબામાએ બંગાને 2015માં વ્યાપાર નીતિ માટે રાષ્ટ્રપતિની સલાહકાર સમિતિના સભ્ય તરીકે નિયુક્ત કર્યા હતા.
• 2016 માં, ભારત સરકારે બંગાને ચોથા સર્વોચ્ચ નાગરિક સન્માન પદ્મ-શ્રીથી સન્માનિત કર્યા.