થાઈલેન્ડની ખાડીમાં ડૂબ્યું નૌકાદળનું યુદ્ધ જહાજ, 75 જવાન બહાર કાઢવામાં આવ્યા, 31 હજુ પણ ફસાયા

થાઈલેન્ડની ખાડીમાં રવિવારે સાંજે થાઈલેન્ડની નૌકાદળનું યુદ્ધ જહાજ ડૂબી ગયું હતું, ત્યારબાદ 75 મરીનને બચાવી લેવામાં આવ્યા હતા જ્યારે 31 હજુ પણ સમુદ્રમાં ફસાયેલા છે. નૌસેનાએ કહ્યું કે સોમવારે એક જહાજ અને હેલિકોપ્ટરને પાણીમાંથી બહાર કાઢવા માટે તૈનાત કરવામાં આવ્યા હતા. ઊંચા મોજાંને કારણે એચટીએમએલ સુખોઈ કોર્વેટ પર દરિયાનું પાણી આવી ગયું અને તેની વિદ્યુત વ્યવસ્થાને નુકસાન થયું. રોયલ થાઈ નૌકાદળે ત્રણ યુદ્ધ જહાજ (ફ્રિગેટ્સ) અને મોબાઈલ પમ્પિંગ મશીનો સાથે બે હેલિકોપ્ટર યુદ્ધ જહાજમાંથી સમુદ્રના પાણીને દૂર કરવા અને મરીનને બચાવવા માટે મોકલ્યા છે.

જો કે, ઊંચા મોજાંને કારણે બચાવ કામગીરીમાં અડચણ ઉભી થઈ હતી અને વીજ સિસ્ટમની નિષ્ફળતાને કારણે તે ડૂબી ગયો હતો. ખેરી ખાન પ્રાંતના બેંગ સફાન જિલ્લામાં 32 કિમી દૂર યુદ્ધ જહાજ પ્રચુઆપ દરિયામાં પેટ્રોલિંગ કરી રહ્યું હતું ત્યારે આ અકસ્માત થયો હતો. ઉત્તર અને મધ્ય થાઈલેન્ડમાં વર્ષનો સૌથી ઠંડો સમય ચાલી રહ્યો છે. દૂર દક્ષિણ થાઈલેન્ડમાં તાજેતરમાં તોફાન અને પૂરનો અનુભવ થયો. જહાજોને પણ કિનારે રહેવા માટે કહેવામાં આવ્યું છે.

ઇલેક્ટ્રિક શોર્ટ સર્કિટથી મુશ્કેલી વધી

નૌકાદળે જણાવ્યું હતું કે બચાવ ટુકડીઓએ બચી ગયેલા લોકોને શોધવા માટે રાતભર કામ કર્યું હતું અને સોમવારે પણ કામગીરી ચાલુ રહી હતી. નેવીએ પણ ઘટનાની તપાસના આદેશ આપ્યા છે. મીડિયા અહેવાલો અનુસાર, એક અધિકારીએ કહ્યું, “આપણી સૈન્યના ઇતિહાસમાં આવું લગભગ ક્યારેય બન્યું નથી, ખાસ કરીને એવા જહાજ સાથે જેનો સક્રિય ઉપયોગ કરવામાં આવે છે.” અધિકારીઓએ જણાવ્યું હતું કે જહાજ પાણીથી ભરાઈ ગયા બાદ ડૂબી ગયું હતું, જેના કારણે યુદ્ધ જહાજની અંદર ઇલેક્ટ્રિક શોર્ટ સર્કિટ થયું હતું. બાદમાં તેના ક્રૂએ તેમનો નિયંત્રણ ગુમાવી દીધો હતો.

નેવીએ મદદ મોકલી

મીડિયા અહેવાલો અનુસાર, ત્રણ નૌકા જહાજો અને હેલિકોપ્ટર મદદ માટે મોકલવામાં આવ્યા હતા, પરંતુ માત્ર ફ્રિગેટ એચટીએમએએસ ક્રાબુરી જહાજ ડૂબતા પહેલા પહોંચી શક્યું હતું. નૌકાદળે જણાવ્યું હતું કે ફ્રિગેટે સુખોતાઈમાં સવાર મોટાભાગના ક્રૂને બચાવી લીધા હતા. જોકે, નેવીએ આ મામલે વધુ માહિતી આપી નથી. રિપોર્ટમાં જણાવવામાં આવ્યું છે કે ઘાયલોને સારવાર માટે હોસ્પિટલમાં દાખલ કરવામાં આવ્યા છે.