ઈમરાન ખાને ફરી ભારતના કર્યા વખાણ! ISI ચીફને ધમકી આપતા કહ્યું: જો મારું મોઢું ખૂલ્યું તો…

પાકિસ્તાનના પૂર્વ વડાપ્રધાન અને પાકિસ્તાન તહરીક-એ-ઈન્સાફના પ્રમુખ ઈમરાન ખાને ભારતના વખાણ કરતા કહ્યું કે હું એક આઝાદ દેશ જોવા માંગુ છું. એવું ન થાય કે ભારત રશિયા પાસેથી તેલ લઈ શકે પણ ગુલામ પાકિસ્તાન ન લઈ શકે. તેમણે કહ્યું કે DG ISI કાન ખોલીને સાંભળો, હું ઘણું જાણું છું પરંતુ હું માત્ર એટલા માટે ચૂપ છું કારણ કે હું મારા દેશને નુકસાન પહોંચાડવા માંગતો નથી… હું સારા માટે રચનાત્મક ટીકા કરું છું, નહીં તો હું ઘણું કહી શક્યો હોત.

ઈમરાન ખાને શુક્રવારે લાહોરના લિબર્ટી ચોકથી ઈસ્લામાબાદ સુધી ‘હકીકી આઝાદી લોંગ માર્ચ’ શરૂ કરી હતી. તેમણે કહ્યું કે આજે હું મારા 26 વર્ષના રાજકીય સંઘર્ષની સૌથી મહત્વપૂર્ણ યાત્રા શરૂ કરી રહ્યો છું. ઈમરાન ખાને કહ્યું કે પાકિસ્તાન માટે દરેક બલિદાન આપવા તૈયાર છે પરંતુ ચોરોને સ્વીકારશે નહીં. દેશમાં 50 વર્ષના ગાળામાં સૌથી વધુ મોંઘવારી આ ચોર સરકારના કારણે થઈ છે.

દેશ આજે મોંઘવારીમાં ડૂબી રહ્યો છે. હું એક આઝાદ દેશ જોવા માંગુ છું, જ્યાં મારા લોકો આઝાદ હોય. વાસ્તવિક સ્વતંત્રતા કૂચનો એકમાત્ર ઉદ્દેશ્ય આપણા દેશને આઝાદ કરવાનો છે. વાસ્તવિક સ્વતંત્રતા કૂચ રાજકારણ કે અંગત સ્વાર્થ માટે નથી. દેશની વાસ્તવિક આઝાદીની યાત્રા શરૂ કરવાનો સમય આવી ગયો છે. એક 75 વર્ષીય સેનેટરને ઉપાડવામાં આવ્યો અને ત્રાસ આપવામાં આવ્યો. ભૂતપૂર્વ વડા પ્રધાન ઇમરાન ખાને સામાન્ય ચૂંટણીની તારીખ ટૂંક સમયમાં જાહેર કરવા માટે સરકાર પર દબાણ બનાવવા માટે લાહોરથી ઇસ્લામાબાદ સુધી વિરોધ માર્ચ શરૂ કરી છે. મોટરસાઇકલ પર પાકિસ્તાન તહરીક-એ-ઇન્સાફ (PTI) પાર્ટીના સમર્થકો પાર્ટીના ઝંડા લઈને પ્રખ્યાત લિબર્ટી ચોક ખાતે એકઠા થયા હતા અને ઐતિહાસિક જીટી રોડ થઈને રાજધાની તરફ આગળ વધશે.