પાલિકાને પ્રોફેશનલ બનતી અટકાવવા સિહોરની સામાજિક અને રાજકીય સંસ્થાઓએ ચડાવી બાયો

બ્રિજેશ

ગઈકાલે સિહોર નગરપાલિકા ની સેવા આપતી એમ્બ્યુલન્સ નું ભાડું રાતોરાત બાપુજીનું ખેતર હોય એમ વધારી દેતા સિહોર માં હોબાળો મચી જવા પામ્યો હતો. સેવા આપતી પાલિકા હવે ઉઘાડી લૂંટ માંડી ને બેઠું હોય એમ લોકોમાં ચર્ચાય રહ્યું હતું. ઘણી વગરની સિહોર નગરપાલિકા માં અંધેર નગરી જેવો વહીવટ થઈ ગયો હોય તેવું લોક મુખે ચર્ચાય રહ્યું છે

ત્યારે એમ્બ્યુલન્સ ના ભાડા વધારાને લઈને સિહોર શિવસેના દ્વારા નાયબ કલેક્ટર સહિત ઉચ્ચ કક્ષાએ લેખિત રજુઆત કરવામાં આવી છે અને યોગ્ય કરવા પણ રજુઆત કરવામાં આવી હતી તો સાથે સિહોર સામાજિક સંસ્થાના આગેવાન અને પત્રકાર હરીશ પવાર અને કેશુભાઈ સોલંકી દ્વારા મામલતદાર ને આવેદનપત્ર આપીને આ બાબતે યોગ્ય કરવા રજુઆત કરી હતી.