મહામંત્રી પદેથી કેમ આપ્યું રાજીનામુ ? પ્રદીપસિંહે કહ્યું -છેલ્લા બે વર્ષથી તેની છબી ખરાબ કરવાના સતત પ્રયાસો થતા હતા

Kuvaadiya

પ્રદીપસિંહ વાઘેલાએ કહ્યું – તેઓએ મને ખાસ એવા કારણોસર નિશાન બનાવ્યો હતો જે સ્પષ્ટ નથી : જો પાર્ટી મને આમ કરવા માટે નિર્દેશ આપશે તો હું તેમની સામે ફરિયાદ નોંધાવીશ.

ભાજપના ગુજરાતના વરિષ્ઠ નેતા પ્રદીપસિંહ વાઘેલાએ કહ્યું કે, તેમણે પાર્ટીના મહાસચિવનું પદ એટલા માટે છોડી દીધું છે કારણ કે છેલ્લા બે વર્ષથી તેમની છબી ખરાબ કરવાના સતત પ્રયાસો થઈ રહ્યા છે અને તેઓ સ્વચ્છ સાબિત કરવા માગે છે. ગુજરાતમાં ભાજપના ચાર મહામંત્રીઓમાંના એક પ્રદીપસિંહ વાઘેલાએ અંગત કારણોસર પોતાના પદ પરથી રાજીનામું આપી દીધું હતું. ભાજપના ગુજરાત એકમના વડા અને સાંસદ સીઆર પાટીલ વિરુદ્ધ અપમાનજનક પત્રો ફરતા કરવાના આરોપમાં ત્રણ લોકોની ધરપકડ કરવામાં આવ્યાના દિવસો બાદ પ્રદીપસિંહ વાઘેલાએ તેમના પદ પરથી રાજીનામું આપ્યું છે. સત્તાધારી પક્ષના ચાર મહામંત્રીઓ પૈકીના એક વાઘેલાએ અંગત કારણોસર રાજીનામું આપ્યું હતું અને તેમનું રાજીનામું પક્ષ દ્વારા સ્વીકારવામાં આવ્યું હોવાનું ભાજપના પ્રદેશ એકમના નેતાએ જણાવ્યું હતું.

ભાજપના વડોદરા શહેર મહામંત્રી સુનિલ સોલંકીએ શનિવારે જણાવ્યું હતું કે, કે તેમણે પણ અંગત કારણોસર તેમના પદ પરથી રાજીનામું આપ્યું છે. 2016 થી જનરલ સેક્રેટરીનું પદ સંભાળી રહેલા પ્રદીપસિંહ વાઘેલાએ દાવો કર્યો હતો કે કેટલાક લોકો તેમની છબી ખરાબ કરવાના ઈરાદાથી તેમના વિશે ખોટી માહિતી ફેલાવી રહ્યા છે. આવા બે વ્યક્તિઓ જેલના સળિયા પાછળ છે અને અન્યની ટૂંક સમયમાં ધરપકડ કરવામાં આવે તેવી શક્યતા છે, એમ તેમણે વધુ વિગતો આપ્યા વિના જણાવ્યું હતું. પ્રદીપસિંહ વાઘેલાએ જણાવ્યું હતું કે, “તેઓએ મને ખાસ એવા કારણોસર નિશાન બનાવ્યો હતો જે સ્પષ્ટ નથી. જો પાર્ટી મને આમ કરવા માટે નિર્દેશ આપશે તો હું તેમની સામે ફરિયાદ નોંધાવીશ. મેં મારા હોદ્દા પરથી રાજીનામું આપ્યું કારણ કે હું ઇચ્છતો હતો કે બધું સ્પષ્ટ થાય અને આરોપોની નિષ્પક્ષ તપાસ થાય.”