Sihor
સિહોરનો શિક્ષક પરિવાર મકાનને તાળું મારી ઢસા ગામે ગયો અને તસ્કરો ત્રાટકયા
Pvar
નિવૃત્ત શિક્ષકના મકાનમાં તસ્કરનો હાથફેરો
સિહોર શહેરમાં રહેતા નિવૃત્ત શિક્ષકના બંધ મકાનમાં તસ્કરોએ હાથફેરો કરી રોકડ અને સોનાના દાગીનાની ચોરી કર્યાનો બનાવ પ્રકાશમાં આવ્યો છે. બનાવ અંગે પ્રાપ્ત માહિતી અનુસાર સિહોરના ગૌતમેશ્વરનગરમાં રહેતા અને એલ.ડી. મુની હાઈસ્કૂલના નિવૃત્ત શિક્ષક ગુણવંતભાઈ મધુસુદનભાઈ રાજ્યગુરૂ તેમના પરિવાર સાથે મકાનને તાળું મારી ઢસા ગામે ગયા હતા.
si
ત્યારે તસ્કરોએ તકનો લાભ ઉઠાવી મકાનનું તાળું તોડી અંદર પ્રવેશી કબાટમાં રાખેલા રોકડ રૂપિયા અને સોનાના દાગીના સહિતના મુદ્દામાલની ચોરી કર્યાની રાવ સાથે પોલીસને જાણ કરવામાં આવી હતી. ચોરીના બનાવ અંગે સિહોર પોલીસે લેખિત અરજી લઈ તપાસ આદરી છે.