Sports
લિયોનેલ મેસ્સી: વર્લ્ડ ચેમ્પિયન મેસ્સીનું કર્યું ઉષ્માભર્યું સ્વાગત, પીએસજીના ખેલાડીઓએ આપ્યું ગાર્ડ ઓફ ઓનર
ફિફા વર્લ્ડ કપ 2022ના વિજેતા આર્જેન્ટિનાના સ્ટાર ફૂટબોલર લિયોન મેસીનું PSG પરત ફરવા પર ભવ્ય સ્વાગત કરવામાં આવ્યું હતું. હાલમાં જ વર્લ્ડ ચેમ્પિયન બનેલો મેસ્સી પ્રથમ વખત પોતાની ક્લબ PSG પહોંચ્યો હતો. બુધવારે ટ્રેનિંગમાં પરત ફર્યા ત્યારે ટીમ અને સપોર્ટ સ્ટાફે તેમના સન્માનમાં ગાર્ડ ઓફ ઓનર આપ્યું હતું.
કાર્યક્રમમાં પીએસજીના સલાહકાર લુઈસ કેમ્પોસે મેસ્સીને ખાસ ટ્રોફી આપી હતી. પીએસજીએ ટ્વિટર પર વિડિયો પણ શેર કર્યો, જેમાં મેસ્સીને ગાર્ડ ઓફ ઓનર મેળવતો જોઈ શકાય છે. તે દરેકનો આભાર માની રહ્યો છે.
તમને જણાવી દઈએ કે કતારમાં રમાયેલા ફિફા વર્લ્ડ કપમાં આર્જેન્ટિનાની ટીમે ડિફેન્ડિંગ ચેમ્પિયન ફ્રાન્સને હરાવીને ત્રીજી વખત વર્લ્ડ કપનો ખિતાબ જીત્યો હતો. મેચનો નિર્ણય પેનલ્ટી શૂટઆઉટમાં થયો હતો, જ્યાં આર્જેન્ટિનાની ટીમ 4-2 ગોલથી જીતી હતી.