સિહોર નવાગામ પ્રાથમિક શાળા ખાતે વાનગી મેળો

પવાર

સિહોર નવાગામ પ્રાથમિક શાળાના આંગણે શિક્ષિકા બહેનશ્રી નયનાબેનના માર્ગદર્શન હેઠળ વાનગી મેળો – 2023 અંતર્ગત શાળાના વિદ્યાર્થી ભાઈ – બહેન દ્વારા અંદાજે 70 જેટલી અલગ – અલગ વાનગીઓ જાતે બનાવી શાળા પરિસરમાં ખુલ્લી મૂકવામાં આવી. બાળકોના આ પ્રયાસને સ્વાદ અને શબ્દોથી વધાવવા વરતેજ આચાર્યશ્રી મહેંદ્રભાઈ, કરદેજ આચાર્યશ્રી દિયોરાભાઈ અને મોરીભાઈ ગામના માજી સરપંચ શ્રી પરેશભાઈ તેમજ બહોળી સંખ્યામાં ગામના ભાઇઓ અને બહેનો ઉપસ્થિત રહ્યા.

ગામડાની સરકારી શાળાના બાળકો એ અદ્ભુત વાનગી બનાવી પોતાની આવડત અને કુશળતાનું પ્રદર્શન કર્યું હતું. સમગ્ર કાર્યક્રમ માટે શાળાના આચાર્યશ્રી રાજુભાઈએ શાળાના શિક્ષિકા બહેનશ્રી નયનાબેન ને ખૂબ શુભેચ્છાઓ અને અભિનંદન પાઠવ્યા હતા