Bhavnagar
“ભાવનગર બન્યું મોદીમય”: જવાહર મેદાન ખાતે વડાપ્રધાનશ્રીને આવકારવાં માનવ મહેરામણ ઉમટ્યું
વડાપ્રધાનશ્રી નરેન્દ્રભાઈ મોદી આજે ભાવનગરની ગૌરવવંતી ધરા પર પધારી રહ્યાં છે ત્યારે ભાવેણાવાસીઓમાં પણ વડાપ્રધાનશ્રીને આવકારવાં અનેરો થનગનાટ જોવાં મળી રહ્યો છે. અનેક વિકાસલક્ષી પ્રકલ્પો વડાપ્રધાનશ્રી આજે જન સમર્પિત કરવાં જઈ રહ્યાં છે. ત્યારે સમગ્ર સૌરાષ્ટ્રવાસીઓમાં પણ આ માટે આનંદની લાગણી જોવાં મળી રહી છે.
જવાહર મેદાન ખાતે હાલ બહોળી સંખ્યામાં માનવ મેદની ઉમટી છે. જવાહર મેદાન તરફ જતાં તમામ રસ્તાઓ હૈયે હૈયું દળાઇ તેવાં લોક પ્રવાહથી ભરચક બની ગયું છે. ભાવનગર, અમરેલી, બોટાદ સહિત સમગ્ર સૌરાષ્ટ્રના નાગરિકોનો અવિરત પ્રવાહ ભાવનગર ખાતે વડાપ્રધાનશ્રીને આવકારવા પહોંચ્યોં છે.
માનવ મહેરામણ સાથે ભાવનગરની ધરાં પર વી.આઇ.પી.ઓ. ઓ નો જમાવડો થયો છે. ભાવનગરનો આ દિવસ સૂવર્ણ અક્ષરે લખાવાનો છે.