અદાણી ગ્રૂપનો શેર 527% ઘટ્યો, અમીરોની યાદીમાં 4 નંબરથી 30માં નંબરે પહોંચ્યો

હિંડનબર્ગ રિસર્ચનો રિપોર્ટ સાર્વજનિક થયા બાદ અદાણી ગ્રુપના શેરમાં મોટો ઘટાડો જોવા મળ્યો છે. છેલ્લા કેટલાક વર્ષોમાં રોકાણકારોને સારી એવી કમાણી કરનાર અદાણી ગ્રૂપના શેરોએ છેલ્લા એક મહિનામાં રોકાણકારોને મોટો ફટકો આપ્યો છે.

હાલમાં, અદાણી ગ્રુપના શેર તેમના 52-સપ્તાહના ઉચ્ચ સ્તરથી 527 ટકા નીચે ટ્રેડ થઈ રહ્યા છે. હિંડનબર્ગ રિસર્ચ રિપોર્ટ સાર્વજનિક કરવામાં આવ્યો ત્યારથી અદાણી ગ્રુપની લિસ્ટેડ કંપનીઓના માર્કેટ કેપમાં રૂ. 12 લાખ કરોડનો ઘટાડો થયો છે.

આ સમયગાળા દરમિયાન અદાણી ગ્રૂપની કંપનીઓમાં અદાણી ગ્રીન એનર્જીના શેર સૌથી વધુ ખરાબ રહ્યા હતા. કંપનીના શેર 52 સપ્તાહના ઉચ્ચ સ્તરેથી 527 ટકા તૂટ્યા છે. તમને જણાવી દઈએ કે અદાણી ગ્રીન એનર્જીના શેર 52 સપ્તાહની ટોચે રૂ. 3048 પ્રતિ શેર પર પહોંચી ગયા છે, જ્યારે કંપનીનો શેર હાલમાં રૂ. 468 પ્રતિ શેર પર ટ્રેડ કરી રહ્યો છે.

23 ફેબ્રુઆરીએ હિંડનબર્ગ રિસર્ચનો અહેવાલ પ્રકાશિત થયો, તે દિવસે ભારતીય પીઢ ઉદ્યોગપતિ ગૌતમ અદાણી બર્નાર્ડ આર્નોલ્ટ, એલોન મસ્ક અને જેફ બેઝોસ પછી વિશ્વના અમીરોની યાદીમાં ચોથા નંબરે હતા. બ્લૂમબર્ગ બિલિયોનેર્સ ઇન્ડેક્સ અનુસાર, 24 જાન્યુઆરી, 2023ના રોજ ગૌતમ અદાણીની આગેવાની હેઠળના જૂથનું માર્કેટ કેપ $119 બિલિયન હતું. તે જ સમયે, 26 ફેબ્રુઆરીએ, કંપનીનું માર્કેટ કેપ $ 39.9 બિલિયન પર પહોંચી ગયું છે. આવી સ્થિતિમાં ગૌતમ અદાણી અબજોપતિઓની યાદીમાં 30મા નંબરે પહોંચી ગયા છે.