Gujarat
ભાજપના સંગઠનમાં તોળાતા ફેરફારો : કેટલાક પ્રદેશ પ્રમુખો બદલાશે ! પાટીલને મળશે પ્રમોશન ? જબરી ચર્ચા : રાત સુધીમાં ધડાકો
કુવાડિયા
દેશનું પાટનગર રાજકીય પ્રવૃત્તિઓથી ધમધમી રહ્યુ છે. આજે વડાપ્રધાને મહત્વની બેઠકો બોલાવી છે તે દરમિયાન એવુ બહાર આવ્યુ છે કે, ભાજપના સંગઠનમાં પણ ધરખમ ફેરફારો થઇ રહ્યા છે જે અંતર્ગત કેટલાક રાજ્યોના પ્રદેશ પ્રમુખ પણ બદલાવાશે. દિલ્હીના રાજકીય વર્તુળોમાં એવી ચર્ચા છે કે, ગુજરાતમાં પણ નેતૃત્વ પરિવર્તન થશે અને વર્તમાન પ્રદેશ પ્રમુખ પાટીલને પ્રમોશન આપી કાં તો રાજસ્થાનનો હવાલો સોંપાશે અથવા તો કેન્દ્રીય મંત્રીમંડળમાં લઇ જવાશે. સૂત્રો જણાવે છે કે, આજ રાત સુધીમાં જ આ અંગેના ફેરફારો બહાર આવી જશે.
અત્રે એ નોંધનીય છે કે, ગુજરાતમાં ભાજપને જબ્બર ફાયદો કરાવી આપનાર વર્તમાન પ્રદેશ પ્રમુખ પાટીલની અનેક રાજ્યોમાં ડીમાન્ડ ઉભી થઇ છે જેમાં રાજસ્થાનનો પણ સમાવેશ થાય છે. ભાજપનું નેતૃત્વ તેમની ચાણક્ય બુદ્ધિ અને આવડતનો ઉપયોગ રાજસ્થાનની ચૂંટણીમાં કરવા માંગે છે. અત્રે એ નોંધનીય છે કે, પાટીલની મુદ્દત જુલાઇના અંતમાં પૂરી થાય છે. એવી પણ ચર્ચા છે કે, તેમને કેન્દ્રીય નેતૃત્વમાં પણ કોઇ મહત્વનો હોદ્દો આપવામાં આવશે.