Tracxn Technologies IPO: રોકાણકારો માટે કમાણીની બીજી તક, આ કંપનીનો IPO ખુલ્યો; સંપૂર્ણ વિગતો જાણો

શેરબજારમાં IPOમાં રોકાણ કરનારાઓ માટે સારા સમાચાર છે. સોમવારે બજારમાં વધુ એક કંપનીનો IPO રોકાણકારો માટે ખુલ્યો છે. આ કંપનીનું નામ Tracxn Technologies Limited (TTL) છે. આ IPO 10 ઓક્ટોબર (સોમવાર) થી 12 ઓક્ટોબર (બુધવાર) સુધી ખુલ્લો રહેશે.

કંપનીનો આખો આઈપીઓ ઓફર ફોર સેલ હશે. આ અંતર્ગત કંપની 3,86,72,208 ઇક્વિટી શેર વેચીને રૂ. 310 કરોડ એકત્ર કરશે. ઑફર ફોર સેલનો અર્થ એ છે કે ઇક્વિટી શેર વેચીને એકત્ર થયેલા તમામ નાણાં પ્રમોટર અને જૂના શેરધારકોને જશે. આ IPO પછી કંપનીમાં પ્રમોટરનો હિસ્સો 50.98 ટકાથી ઘટીને 35.65 ટકા થઈ જશે.

પ્રાઇસ બેન્ડ

કંપની દ્વારા IPO માટે પ્રાઇસ બેન્ડ 75-80 રૂપિયા રાખવામાં આવી છે. આ IPOમાં 185 શેર્સનો લોટ કરવામાં આવ્યો છે. જો કોઈ રોકાણકાર શેર માટે બિડ કરવા માંગે છે, તો તેણે ઓછામાં ઓછા 185 શેર અથવા 14,800 રૂપિયાનું રોકાણ કરવું પડશે. રોકાણકાર વધુમાં વધુ 13 લોટ માટે અરજી કરી શકે છે.

ફાળવણી ક્યારે થશે?

Tracxn Technologiesનો IPO 12 ઓક્ટોબરે બંધ થશે. આ પછી પાંચ દિવસ પછી 17 ઓક્ટોબર સુધી શેરની ફાળવણી કરી શકાશે. તેનું લિસ્ટિંગ 20 ઓક્ટોબરે NSE અને BSE પર થઈ શકે છે.

કંપની શું કરે છે

TTL ની સ્થાપના વર્ષ 2012 માં કરવામાં આવી હતી. તે વિશ્વની સૌથી મોટી માર્કેટ ઇન્ટેલિજન્સ ડેટા કંપની છે. કંપની પાસે એસેટ-લાઇટ બિઝનેસ મોડલ છે. કંપની ઈન્ટરનેટ ઓફ થિંગ્સ, આર્ટિફિશિયલ ઈન્ટેલિજન્સ, વર્ચ્યુઅલ રિયાલિટી, રોબોટિક્સ, બ્લોક ચેઈન અને ઈલેક્ટ્રીક વાહનો જેવી ઉભરતી ટેક્નોલોજીનો સોદો કરે છે. 30 જૂન, 2022 સુધીમાં, કંપની પાસે 58 દેશોમાં 1,139 ગ્રાહક ખાતા અને 3,271 વપરાશકર્તાઓ છે.