Food
વિશ્વની સૌથી મોંઘી વાનગીઓ, એક બર્ગરની કિંમત છે આટલા લાખ રૂપિયા!
બર્ગર, પિઝા, પોપકોર્ન અને આઈસ્ક્રીમ ખાવાનું કોને ન ગમે. પરંતુ આજે અમે તમને એવા ફૂડ્સ વિશે જણાવીશું, જેની કિંમત લાખોમાં છે.
જંક ફૂડથી લઈને સ્ટ્રીટ ફૂડ સુધી લોકોમાં તેનો ક્રેઝ સતત વધી રહ્યો છે. બાળકો હોય કે વૃદ્ધ લોકો, હવે દરેક જંક ફૂડ જોશથી ખાવાનું પસંદ કરે છે. પરંતુ આજે અમે તમને દુનિયાના કેટલાક એવા ફૂડ્સ વિશે જણાવીશું, જેના માટે તમારે લાખોમાં બચત કરવી પડશે.
લોકોને પિઝા ખાવાનો શોખ હોય છે. પરંતુ જો તમારે દુનિયાનો સૌથી મોંઘો પિઝા ખાવા હોય તો તમારે ન્યૂયોર્ક જવું પડશે.આ પિઝાની કિંમત 1.5 લાખ રૂપિયા છે અને તેને જીનિયસ વર્લ્ડ રેકોર્ડ 24 કેરેટ નામ આપવામાં આવ્યું છે. આમાં ગોલ્ડ ચિલી ફ્લેક્સનો ઉપયોગ કરવામાં આવે છે.
અમેરિકામાં શિકાગોની બેર્કો રેસ્ટોરન્ટના પોપકોર્નની કિંમત લાખોમાં છે. અહીં 6.5 ગેલન ટીનની કિંમત 1,87,855 રૂપિયા છે. આ પોપકોર્ન 24 કેરેટ સોનાથી ઢંકાયેલા છે અને તેમાં લેઝો સોલ્ટનો ઉપયોગ કરવામાં આવ્યો છે.
શું તમે ક્યારેય 4.50 લાખ રૂપિયાનું બર્ગર ખાધું છે? જી હા, નેધરલેન્ડની ડી અલ્ટોન્સ વૂર્થુઈઝેન નામની રેસ્ટોરન્ટમાં ધ ગોલ્ડન બોય નામનું બર્ગર બને છે, જેને શેફ રોબર્ટ જે ડી વીને બનાવ્યું છે. તે સોનેરી પાંદડાઓથી શણગારવામાં આવે છે.
દુબઈના સ્કૂપી કેફેમાં 60 હજાર રૂપિયાની કિંમતનો બ્લડ ડાયમંડ આઈસ્ક્રીમ ઉપલબ્ધ છે. આ આઈસ્ક્રીમ બનાવવા માટે ઈરાનથી કેસર અને બ્લેક ટ્રફલ મંગાવવામાં આવે છે અને તેની ઉપર 23 કેરેટ સોનું લગાવવામાં આવે છે.