સલમાન ખાન, શાહરૂખ ખાન અને રિતિકની સ્પાય યુનિવર્સ માં થશે આ હિરોઇન ની એન્ટ્રી, કપાશે કોનું પત્તુ ?

શાહરૂખ ખાનની ફિલ્મ પઠાણની સફળતાથી ઉત્સાહિત યશ રાજ ફિલ્મ્સે તેના સ્પાય યુનિવર્સનો વિસ્તાર કરવા માટે ઘણી ફિલ્મોની જાહેરાત કરી છે. જેમાં સલમાન ખાન અને શાહરૂખ ખાનની ટાઇગર Vs પઠાણ અને રિતિક રોશનની વોર 2 જેવી ફિલ્મોનો સમાવેશ થાય છે. ટાઈગર 3ની તૈયારીઓ થઈ રહી છે.

દીપિકા પાદુકોણ અને કેટરિના કૈફ જેવી અભિનેત્રીઓ યશ રાજ ફિલ્મ્સના સ્પાય યુનિવર્સમાં પહેલાથી જ સામેલ છે. હવે લેટેસ્ટ રિપોર્ટમાં જણાવવામાં આવ્યું છે કે રાની મુખર્જી, સૈફ અલી ખાન અને સિદ્ધાંત ચતુર્વેદીની સાથે બંટી ઔર બબલી 2 થી બોલિવૂડમાં ડેબ્યૂ કરનાર શર્વરી વાઘ ટૂંક સમયમાં જ સ્પાય યુનિવર્સમાં એન્ટ્રી કરવા જઈ રહી છે. આવી સ્થિતિમાં સવાલો ઉઠી રહ્યા છે કે શું દીપિકા કે કેટરીના કપાઈ જશે?

આદિત્ય ચોપરાએ આવું કહ્યું!
એવું કહેવામાં આવી રહ્યું છે કે નિર્માતા આદિત્ય ચોપડા શર્વરી વાઘને લઈને ખૂબ જ સકારાત્મક છે અને કહે છે કે શર્વરી ખૂબ જ પ્રતિભાશાળી અભિનેત્રી છે અને તેને જાસૂસના રોલ માટે તૈયાર કરવામાં આવી છે. જો કે આ અંગે હજુ સુધી કોઈ સત્તાવાર માહિતી સામે આવી નથી.

શર્વરી વાઘે 16 વર્ષની ઉંમરે પોતાના કરિયરની શરૂઆત કરી હતી
નોંધપાત્ર વાત એ છે કે શર્વરી વાઘે 16 વર્ષની ઉંમરે તેની કારકિર્દીની શરૂઆત કરી હતી. અગાઉ તેણે ઘણી એડ્સમાં કામ કર્યું હતું. તેણે બાજીરાવ મસ્તાની, પ્યાર કા પંચનામા 2 અને સોનુ કે ટીટુ કે ટીટુ કી સ્વીટી જેવી ફિલ્મોમાં સહાયક નિર્દેશક તરીકે પણ કામ કર્યું છે.

શર્વરી વાઘે તેની અભિનય કારકિર્દીની શરૂઆત વેબ સિરીઝ ‘ફોર્ગોટન આર્મીઃ આઝાદી કે લિયે’થી કરી હતી. આમાં તે સની કૌશલ સાથે જોવા મળી હતી. રિપોર્ટ્સ અનુસાર, શર્વરી હાલમાં સની કૌશલને ડેટ કરી રહી છે.