Bhavnagar
ભાવનગરની શાળાઓમાં 20 હજાર બાળકોને ધારાસભ્ય જીતુભાઈ વાઘાણીએ પતંગ અને બિસ્કીટનું વિતરણ કર્યું
કુવાડિયા
મકરસંક્રાંતિની ઉજવણીના ભાગરૂપે સતત 11માં વર્ષે પૂર્વ મંત્રી અને પશ્ચિમના ધારાસભ્ય જીતુભાઈ વાઘાણી દ્વારા આ વખતે પણ દીકરા દીકરીઓને મકરસંક્રાંતિનું પર્વ ઉત્સાહપૂર્વક ઉજવી શકે તેવા ઉમદા હેતુથી ભાવનગરની નગર પ્રાથમિક શિક્ષણ સમિતિની શાળાઓમાં આજથી પતંગ વિતરણનો આરંભ કર્યો હતો.
ભાવનગર શહેરમાં નગર પ્રાથમિક શિક્ષણ સમિતિ સંચાલિત 53 શાળાઓ પૈકી ભાવનગર પશ્ચિમની 27 શાળાઓ પૈકી આજરોજ સાત શાળાઓના બાળકોને પાંચ પતંગ તથા એક બિસ્કીટના પેકેટનું વિતરણ કરવામાં આવ્યું હતું, પશ્ચિમ મત વિસ્તારની ગઈકાલ થી પતંગ વિતરણનો આરંભ કર્યો હતો.
સાત શાળાઓમાં સવારથી સાંજ સુધી વિતરણ કરવામાં આવશે. જેમાં અક્ષરપાર્ક કુંભારવાડા, હાદાનગર, બાલવાટિક પાસે બોરતળાવ, શાસ્ત્રીનગર, વિઠ્ઠલવાડી તથા બપોર બાદ પાનવાડી એસ.ટી સ્ટેન્ડ તથા વિજય ટોકીઝની સરકારી શાળાઓમાં પતંગ વિતરણ કરવામાં આવી રહ્યું છે.
ધારાસભ્ય જીતુભાઈ વાઘાણી દ્વારા ત્રણ દિવસ દરમિયાન ભાવનગર શહેરની પશ્ચિમ અને પૂર્વ વિસ્તારમાં આવેલી નગર પ્રાથમિક શિક્ષણ સમિતિની સરકારી શાળાના બાળકો દીઠ પાંચ પતંગ અને એક બિસ્કિટનું પેકેટ મળી કુલ 1,00,000 પતંગ અને 20,000 જેટલા બિસ્કિટના પેકેટોનું વિતરણ થઈ રહ્યા છે.